മസ്‌കത്ത്: ഈ വർഷം ഡിജിറ്റൽ ട്രാൻസ്‌ഫോർമേഷൻ പദ്ധതി ത്വരിതപ്പെടുത്താൻ ഒമാൻ തീരുമാനിച്ച തോടെ സർക്കാർ സർവീസുകളുടെ 80 ശതമാനവും ഓൺലൈനിലെക്ക് മാറ്റുന്നു. ഇലക്ട്രോണിക് സേവനങ്ങൾക്കായുള്ള ഏകീകൃത ദേശീയ പോർട്ടലിലൂടെ മുൻഗണനാ സേവനങ്ങൾ അവതരിപ്പിക്കും. പിന്നീട് സർക്കാർ ഡിജിറ്റൽ സേവനങ്ങൾക്കായി ഏകീകൃത മൊബൈൽ ആപ്ലിക്കേഷൻ അവതരിപ്പിക്കുന്നതും ഇതിൽ ഉൾപ്പെടുന്നു. സർക്കാർ ഡിജിറ്റൽ ട്രാൻസ്ഫോർമേഷൻ പ്രോഗ്രാമായ തഹാവുലിൻ്റെ മൊത്തത്തിലുള്ള പ്രകടനം 2024 നവംബർ അവസാനത്തോടെ 73% ആയി ഉയർന്നതായി ഗതാഗത, വാർത്താവിനിമയ, വിവരസാങ്കേതിക മന്ത്രാലയം പുറത്തിറക്കിയ 2024-ലെ വാർഷിക ഡിജിറ്റൽ ട്രാൻസ്ഫോർമേഷൻ റിപ്പോർട്ടിൽ പറയുന്നു. 2023-ൽ ഇത് 53% ആയിരുന്നു.

2024ലെ റിപോർട്ട് പ്രകാരം ഡിജിറ്റൽ രംഗത്ത് ഒമാൻ വൻ നേടങ്ങളാണ് കാഴ്ചവച്ചത്. നാല് സർക്കാർ സ്ഥാപനങ്ങൾ ആദ്യമായി ഉയർന്ന നിലവാരം കൈവരിച്ചു. മസ്‌കത്ത് ഗവർണറേറ്റ്, ടെലികമ്മ്യൂണിക്കേഷൻസ് റെഗുലേറ്ററി അതോറിറ്റി, നാഷണൽ സെൻ്റർ ഫോർ സ്റ്റാറ്റിസ്റ്റിക്‌സ് ആൻഡ് ഇൻഫർമേഷൻ, ഒമാൻ ഇൻവെസ്റ്റ്‌മെൻ്റ് അതോറിറ്റി എന്നിവയാണ് നേട്ടം കൊയ്ത ഈ സ്ഥാപനങ്ങൾ. കൂടാതെ, 38 സ്ഥാപനങ്ങൾ (78%) ശരാശരിക്ക് മുകളിലുള്ള നില (Green) കൈവരിച്ചു, ആറ് എണ്ണം (12%) ശരാശരി തലത്തിൽ (Yellow) ആണ്. എന്നാല് ഒരു സ്ഥാപനവും കുറഞ്ഞ പെർഫോമിംഗ് (കറുപ്പ്) എന്ന് തരംതിരിച്ചിട്ടില്ല. ഇത് തെളിയിക്കുന്നത് ഒമാനിലെ പൊതു സേവനങ്ങളിൽ ജനങ്ങൾ സന്തുഷ്ടർ ആണെന്നാണ്.

The National Government Digital Transformation Programme – Tahawul – has made impressive strides in enhancing digital capabilities across the public sector.