ദുബൈ: യുഎഇയുടെ പുതിയ ബഹിരാകാശ പദ്ധതിയായ ഇത്തിഹാദ്-സാറ്റ് പൂര്‍ത്തിയായി. 2025 മാര്‍ച്ചില്‍ ഉപഗ്രഹം ബഹിരാകാശത്തേക്ക് വിക്ഷേപിക്കാന്‍ ഒരുങ്ങുകയാണ് രാജ്യം.

കാലാവസ്ഥയില്‍ ഇമേജിംഗ് മേഖലയിലെ ഏറ്റവും പുതിയ സാങ്കേതികവിദ്യകള്‍ ഈ ഉപഗ്രഹം ഉപയോഗപ്പെടുത്തിയിട്ടുണ്ടെന്ന് ദുബൈ കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം പ്രഖ്യാപിച്ചു. മുഹമ്മദ് ബിന്‍ റാഷിദ് ബഹിരാകാശ കേന്ദ്രവും ദക്ഷിണ കൊറിയയുടെ സാട്രെക് ഇനിഷ്യേറ്റീവും തമ്മിലുള്ള  പങ്കാളിത്തത്തിലൂടെയാണ് നൂതന സിന്തറ്റിക് അപ്പര്‍ച്ചര്‍ റഡാര്‍ (SAR) ഉപഗ്രഹം വികസിപ്പിച്ചിരിക്കുന്നത്.

We are delighted to announce the completion of our latest space project, Etihad-SAT, an advanced Synthetic Aperture Radar (SAR) satellite set to launch in March 2025. Developed through a strategic partnership between the Mohammed Bin Rashid Space Centre and South Korea’s Satrec… pic.twitter.com/da9UbIME8q

— Hamdan bin Mohammed (@HamdanMohammed) February 26, 2025

'ബഹിരാകാശ മേഖലയിലെ ഞങ്ങളുടെ അഭിലാഷങ്ങള്‍ക്ക് അതിരുകളില്ല, ബഹിരാകാശ പര്യവേഷണത്തില്‍ യുഎഇയുടെ സ്ഥാനം ആഗോളതലത്തില്‍ ശക്തിപ്പെടുത്താനും അറിവും നവീകരണവും കൊണ്ട് മാനവികതയ്ക്ക് ശോഭനമായ ഒരു ഭാവി രൂപപ്പെടുത്താന്‍ സഹായിക്കാനും ഞങ്ങളുടെ യുവാക്കളുടെ കഴിവുകളില്‍ ഞങ്ങള്‍ ഉറച്ചു വിശ്വസിക്കുന്നു,' ദുബൈ കിരീടാവകാശി കൂട്ടിച്ചേര്‍ത്തു.

Sheikh Hamdan announces new space mission; Etihad-Sat will be launched in March