ആലപ്പുഴ:ആലപ്പുഴയിൽ ബൈക്കുകൾ തമ്മിൽ കൂട്ടിയിടിച്ച് ഉണ്ടായ അപകടത്തിൽ ഒരാൾ മരിച്ചു, അഞ്ച് പേർക്ക് ഗുരുതര പരിക്കേറ്റു. അപകടത്തിൽ പരിക്കേറ്റവരിൽ രണ്ട് പേരുടെ നില അതീവ ഗുരുതരമാണ്, ഇവരെ വെന്റിലേറ്ററിലേക്ക് മാറ്റിയിട്ടുണ്ട്.

ബുധനാഴ്ച രാത്രി പത്ത് മണിയോടെയായിരുന്നു അപകടം. മാന്നാർ ഇരമത്തൂർ ഭാഗത്ത് സംഭവിച്ച അപകടത്തിൽ ചെന്നിത്തല സ്വദേശി ജഗൻ (23) മരണപ്പെട്ടു. രണ്ട് ബൈക്കുകളിൽ സഞ്ചരിച്ച ആറ് പേരാണ് അപകടത്തിൽപ്പെട്ടത്. ശിവരാത്രി മഹോത്സവം കഴിഞ്ഞ് മടങ്ങി വരുമ്പോഴായിരുന്നു അപകടം ഉണ്ടായത്.

പരിക്കേറ്റവരെ ഉടൻ പരുമലയിലെ സ്വകാര്യ ആശുപത്രിയിലേക്ക് മാറ്റി. അപകടം ഉണ്ടായതിന്റെ കാരണം വ്യക്തമല്ലെങ്കിലും ബൈക്കുകൾ അതിവേഗത്തിൽ വന്നതാകാമെന്ന് പ്രാഥമിക അന്വേഷണം സൂചിപ്പിക്കുന്നു. പൊലീസ് സംഭവത്തെ കുറിച്ച് കൂടുതൽ പരിശോധന നടത്തുന്നുണ്ട്.