തിരുവനന്തപുരം: ശിശുക്ഷേമ സമിതിയുടെ സംരക്ഷണയിലായിരുന്ന രണ്ട് മാസം പ്രായമുള്ള ആൺകുഞ്ഞ് പനി ബാധിച്ച് മരിച്ചു. തൈക്കാട് ആശുപത്രിയിൽ ഇന്ന് രാവിലെ എത്തിച്ചപ്പോൾ മരണമടഞ്ഞുവെന്ന് അധികൃതർ അറിയിച്ചു.

ഒന്നരമാസം മുമ്പ് കുഞ്ഞിനെ തിരുവനന്തപുരത്തെ അമ്മതൊട്ടിലിൽ ഉപേക്ഷിച്ച നിലയിൽ കണ്ടെത്തിയിരുന്നു. കുഞ്ഞിന് മുൻപ് തന്നെ ചില ആരോഗ്യപ്രശ്നങ്ങൾ ഉണ്ടായിരുന്നതായാണ് ശിശുക്ഷേമ സമിതിയുടെ വിശദീകരണം. പോസ്റ്റ്മോർട്ടം റിപ്പോർട്ട് ലഭിച്ച ശേഷം മാത്രമേ മരണകാരണത്തെക്കുറിച്ച് സ്ഥിരീകരിക്കാൻ കഴിയൂ.