ന്യൂഡല്‍ഹി: വാണിജ്യാവശ്യത്തിനുള്ള  എല്‍.പി.ജി സിലിണ്ടറുകളുടെ വില വര്‍ധിപ്പിച്ചു. 6 രൂപയാണ് വര്‍ദ്ധിപ്പിച്ചത്. വിലവര്‍ദ്ധന മാര്‍ച്ച് 1 മുതല്‍ പ്രാബല്യത്തില്‍ വന്നു. ഡല്‍ഹിയില്‍ 19 കിലോഗ്രാം വാണിജ്യ എല്‍.പി.ജി സിലിണ്ടറിന് നേരത്തെ 1,797 രൂപയായിരുന്നത് ഇപ്പോള്‍ 1,803 രൂപയായി. കൊച്ചിയില്‍ 19 കിലോ സിലിണ്ടറിന്റെ വില 1806 ആയിരുന്നത് 1812 രൂപയായി. അതേസമയം, 2024 ഓഗസ്റ്റ് മുതല്‍ 14.2 കിലോഗ്രാം ഗാര്‍ഹിക എല്‍.പി.ജി സിലിണ്ടറുകളുടെ നിരക്കില്‍ മാറ്റമൊന്നും വന്നിട്ടില്ല.

2025 മാര്‍ച്ച് 1 മുതല്‍ പ്രധാന നഗരങ്ങളിലെ വാണിജ്യ എല്‍.പി.ജി സിലിണ്ടറുകളുടെ പുതുക്കിയ നിരക്കുകള്‍

ഡല്‍ഹി: 1,803 രൂപ
മുംബൈ: 1,755 രൂപ
കൊല്‍ക്കത്ത: 1,913 രൂപ
ചെന്നൈ: 1,965 രൂപ

2023 മാര്‍ച്ചില്‍, സിലിണ്ടറിന് 352 രൂപ വര്‍ദ്ധിപ്പിച്ചിരുന്നു.അതേസമയം,  19 കിലോഗ്രാം വാണിജ്യ സിലിണ്ടറിന് ബജറ്റ് ദിനത്തില്‍ 7 രൂപ കുറയ്ക്കുകയും ചെയ്തിരുന്നു.