ഡെലിവറി റൈഡർമാർ റോഡിന്റെ വലതുവശത്തെ പാതകൾ ഉപയോ​ഗിക്കണമെന്ന് അജ്മാൻ അധികൃതർ അറിയിച്ചു. ഡെലിവറി റൈഡർമാർക്ക് വേഗതയേറിയതും ഇടതുവശത്തുള്ളതുമായ പാതകൾ ഉപയോഗിക്കാൻ അനുവാദമില്ല. ദുബൈയിലും അബൂദബിയിലും ഇതിനകം തന്നെ ഈ നിയന്ത്രണങ്ങൾ നിലവിലുണ്ട്.

മൂന്ന് വരി പാതകളിൽ, ഡെലിവറി ബൈക്കുകൾക്ക് ഏറ്റവും ഇടതുവശത്തെ പാതയിലൂടെ സഞ്ചരിക്കാൻ കഴിയില്ല, കൂടാതെ വലതുവശത്തെ രണ്ട്  പാതകളിലൂടെ തന്നെ വാഹനമോടിക്കുകയും വേണം. നാല് വരി പാതയിലൂടെ സഞ്ചരിക്കുമ്പോൾ, ഡെലിവറി റൈഡർമാർ ഏറ്റവും ഇടതുവശത്തെ രണ്ട് പാതകളിലൂടെ വാഹനമോടിക്കരുത്.

2023-ൽ, 100 കിലോമീറ്ററോ അതിൽ കൂടുതലോ വേഗപരിധിയുള്ള റോഡുകളിൽ ഡെലിവറി റൈഡർമാർക്ക് വലത് വശത്തെ പാത മാത്രമേ ഉപയോഗിക്കാൻ അനുവാദമുള്ളൂ എന്ന് അബൂദബി പ്രഖ്യാപിച്ചിരുന്നു. ഇടതുവശത്തുള്ള രണ്ട് പാതകൾ ഉപയോഗിക്കാൻ അവർക്ക് അനുവാദമില്ല.

2021 മുതൽ ദുബൈയിൽ ഈ നിയന്ത്രണങ്ങൾ നിലവിലുണ്ട്. ഡെലിവറി റൈഡർമാരെ ഇടതുവശത്തെ പാത ഉപയോഗിക്കാൻ അനുവദിക്കാത്തതിനു പുറമേ, ഡെലിവറി വാഹനങ്ങളോടിക്കുന്നവർക്ക് മണിക്കൂറിൽ 100 ​​കിലോമീറ്റർ വേഗപരിധി നിശ്ചയിച്ചിട്ടുമുണ്ട്. മാത്രമല്ല, നിയമലംഘനങ്ങൾക്ക് 700 ദിർഹം വരെ പിഴ ചുമത്താം, മൂന്നാം തവണയും ലംഘനം ആവർത്തിച്ചാൽ പെർമിറ്റ് സസ്‌പെൻഷൻ വരെ ലഭിക്കും.

Ajman authorities have announced new traffic rules prohibiting delivery riders from using fast lanes on high-speed roads. Similar to Dubai and Abu Dhabi, riders must now stick to designated right-side lanes based on road width and speed limits. Violations may result in fines up to AED 700 and license suspension for repeat offenders. Stay updated on UAE’s latest traffic regulations!