ചുട്ടുപൊള്ളുന്ന ചൂടിലേക്കാണ് പോകുന്നത്. ഈ കാലം ചര്‍മത്തിന് അത്ര നല്ലതല്ല. മുഖത്ത് ടാന്‍ വരാന്‍ ഏറ്റവും സാധ്യത കൂടുതലും വേനലിലാണ്. വേനല്‍കാലം നിരവധി ചര്‍മപ്രശ്‌നങ്ങളാണ് ഉണ്ടാക്കുന്നത്. അതിനായി ദിവസവും മുഖത്ത് ടോണര്‍ ഉപയോഗിക്കുന്നത് നല്ലതാണ്. ഇതില്‍ ബെസ്റ്റാണ് കുക്കുമ്പര്‍ ടോണര്‍. ഇത് എല്ലാ ചര്‍മക്കാര്‍ക്കും അനുയോജ്യമാണ്.

തുറന്ന സുഷിരങ്ങള്‍ തടയാന്‍ വീട്ടില്‍ തന്നെ ഉണ്ടാക്കാന്‍ പറ്റുന്ന ഒരു ടോണറാണിത്. ഈ കുക്കുമ്പര്‍ ടോണര്‍ നിങ്ങളുടെ മുഖത്തെ സുഷിരങ്ങള്‍ മുറുക്കമുള്ളതാക്കുകയും ചര്‍മത്തിന് പുതുമ നല്‍കാന്‍ സഹായിക്കുകയും ചെയ്യുന്നു. ഇതൊരു പ്രകൃതിദത്ത ടോണര്‍ കൂടിയാണ്.

 
കുക്കുമ്പര്‍ ജ്യൂസെടുത്ത് പാത്രത്തിലേക്ക് ഒഴിക്കുക. ഇത് അരിച്ചെടുത്ത ശേഷം ടോണറായി ഉപയോഗിക്കാം. 
ഒരു ബൗളില്‍ കുക്കുമ്പര്‍ ജ്യൂസും നാരങ്ങാനീരും ചേര്‍ത്ത് മിക്‌സ് ചെയ്യുക. ഇത് സുഷിരങ്ങള്‍ ചുരുങ്ങാന്‍ സഹായിക്കും. 
ജലാംശം നിലനിര്‍ത്താനായി ഇതിലേക്ക് അല്‍പം റോസ് വാട്ടറും ചേര്‍ക്കാവുന്നതാണ്. ചര്‍മത്തെ മൃദുവാക്കാനും പിഎച്ച് സന്തുലിതമാക്കാനും റോസ് വാട്ടര്‍ ചേര്‍ക്കുന്നത് നല്ലതാണ്. 

ടീട്രീ ഓയില്‍

സുഷിരങ്ങള്‍ അടയ്ക്കാനുള്ള ആന്റിബാക്ടീരിയല്‍ ഗുണങ്ങള്‍ക്കായി ഒരു തുള്ളി ടീട്രീ ഓയില്‍ ഇതില്‍ ചേര്‍ക്കുന്നതും നല്ലതാണ്. 
വൃത്തിയുള്ള ഗ്ലാസ് കുപ്പിയിലാക്കി സൂക്ഷിക്കുക. ഒരാഴ്ചവരെ ഇരിക്കുന്നതാണ്. ചര്‍മത്തില്‍ എന്തു ചെയ്യുകയാണെങ്കിലും ആദ്യമൊന്ന് പാച്ച് ടെസ്റ്റ് ചെയ്യുക.