ദുബൈ: യുഎഇയിലെ റസ്റ്റോറന്റുകള്‍ ഇഫ്താര്‍ ബുഫെ നിരക്കുകള്‍ 30 ശതമാനം വരെ വര്‍ധിപ്പിച്ചു. ഭക്ഷണസാധനങ്ങളുടെ വിലയിലെ വര്‍ധനവ്, വാടക നിരക്ക്, ഉയര്‍ന്ന ഡിമാന്‍ഡ്, റമദാനിലെ സുഖകരമായ കാലാവസ്ഥ കാരണം കൂടുതല്‍ ആളുകളും പുറത്ത് നിന്ന് ഭക്ഷണം കഴിക്കക്കുന്നത് എന്നിവയാണ് ഇതിനു കാരണം.
ഈ റമദാനില്‍ ഇഫ്താര്‍ ബുഫെ നിരക്കുകള്‍ വര്‍ധിപ്പിച്ചതിന് പിന്നില്‍ ഫോര്‍ സ്റ്റാര്‍, ഫൈവ് സ്റ്റാര്‍ നക്ഷത്ര ഹോട്ടല്‍ റെസ്റ്റോറന്റുകളാണെന്ന് എഫ് & ബി വ്യവസായ എക്‌സിക്യൂട്ടീവുകള്‍ പറയുന്നു.

യുഎഇയിലുടനീളമുള്ള റെസ്റ്റോറന്റുകള്‍ നോമ്പുകാലത്ത് ഇഫ്താറിനും സുഹൂര്‍ ബുഫെയ്ക്കും പ്രത്യേക വിഭവങ്ങള്‍ തയ്യാറാക്കാറുണ്ട്. കോര്‍പ്പറേറ്റ് സ്ഥാപനങ്ങളിലെ ഉദ്യോഗസ്ഥര്‍, വ്യക്തികള്‍, കുടുംബങ്ങള്‍ എന്നിവര്‍ ഇഫ്താറിനും സുഹൂറിനുമായി റമദാന്‍ റെസ്റ്റോറന്റുകളും ടെന്റുകളും ബുക്ക് ചെയ്യുന്നു.

'ഈ വര്‍ഷം യുഎഇയിലുടനീളമുള്ള ഇഫ്താര്‍ ബുഫെ വിലയില്‍ നേരിയ മാറ്റങ്ങള്‍ വരുത്തിയിട്ടുണ്ട്. മൂല്യാധിഷ്ഠിത ഓഫറുകളില്‍ വ്യവസായം തുടര്‍ന്നും ശ്രദ്ധ കേന്ദ്രീകരിക്കും. ഇത് അതിഥികള്‍ക്ക് അവിസ്മരണീയവും ഉയര്‍ന്ന നിലവാരമുള്ളതുമായ ഇഫ്താര്‍ അനുഭവം ആസ്വദിക്കുന്നുവെന്ന് ഉറപ്പാക്കുന്നതിന് സഹായകമാകും,' യുഎഇ റെസ്റ്റോറന്റ്‌സ് ഗ്രൂപ്പ് വൈസ് ചെയര്‍മാന്‍ അമിത് നായക് പറഞ്ഞു.

റമദാനിലെ രണ്ടാം ആഴ്ച മുതല്‍ വ്യവസായത്തിലുടനീളമുള്ള നിരക്കുകളില്‍ ശരാശരി 30 ശതമാനം വര്‍ധനവ് പ്രതീക്ഷിക്കാമെന്ന് മജസ്റ്റിക് ഹോട്ടല്‍സ്, ദി പെര്‍മിറ്റ് റൂം, ധാബ ലെയ്ന്‍ എന്നിവയുടെ എക്‌സിക്യൂട്ടീവ് ഡയറക്ടര്‍ എട്ടി ഭാസിന്‍ പറഞ്ഞു.

യുഎഇയിലെ അവസാന ശൈത്യകാലത്തോട് അനുബന്ധിച്ചുള്ള ഈ റമദാനില്‍, പ്രത്യേകിച്ച് ഔട്ട്‌ഡോര്‍ എഫ് & ബി ഔട്ട്‌ലെറ്റുകളുടെ വരുമാനത്തില്‍ കുറഞ്ഞത് 50 ശതമാനം വര്‍ധനവ് ഉണ്ടാകുമെന്നാണ് ഇവര്‍ പ്രതീക്ഷിക്കുന്നത്. കഴിഞ്ഞ വര്‍ഷത്തെ അപേക്ഷിച്ച് 2025 ല്‍ ഇഫ്താര്‍ ബുഫെ നിരക്കുകള്‍ ഏകദേശം 10-15 ശതമാനം വര്‍ധിച്ചതായി ചതോരി ഗാലി റെസ്റ്റോറന്റ്‌സ് & കാറ്ററിംഗ് സിഇഒ സോമ്യ ജെയിന്‍ പറഞ്ഞു.

ചരക്ക് ഉല്‍പ്പന്നങ്ങളുടെ നിരന്തരമായ വര്‍ധനവും വാടകയിലെ വര്‍ധനവും കാരണമാണ് ഇഫ്താര്‍ ബുഫെ നിരക്കുകളിലെ വര്‍ധനവിന് കാരണമെന്ന് ജെയിന്‍ പറഞ്ഞു.

അമിത് നായക് പറയുന്നതനുസരിച്ച്, വിപണിയിലെ ഡിമാന്‍ഡും മികച്ച സൗകര്യങ്ങളും അടിസ്ഥാനമാക്കിയാണ് ഇഫ്താര്‍ ബുഫെയുടെ വിലനിര്‍ണ്ണയം നടത്തുന്നത്. 4 സ്റ്റാര്‍, 5 സ്റ്റാര്‍ ഹോട്ടല്‍ റെസ്റ്റോറന്റുകള്‍ക്ക് 'വില വര്‍ധിപ്പിക്കാന്‍ കൂടുതല്‍ സ്വാതന്ത്ര്യമുണ്ട്, ഈ വര്‍ഷം അവര്‍ അങ്ങനെ ചെയ്തിട്ടുണ്ട്' എന്ന് സൗമ്യ ജെയിന്‍ കൂട്ടിച്ചേര്‍ത്തു. വിപണിയില്‍ മികച്ച സ്വീകാര്യത ലഭിക്കാത്തതിനാല്‍ ഒറ്റപ്പെട്ട റെസ്റ്റോറന്റുകളുടെ വര്‍ധിച്ച ചെലവുകള്‍ ഉപഭോക്താക്കള്‍ക്ക് പൂര്‍ണ്ണമായും കൈമാറുന്നത് ബുദ്ധിമുട്ടാണെന്ന് അവര്‍ അഭിപ്രായപ്പെട്ടു.

Up to 30% increase in Iftar buffet prices due to climate and rent hike in UAE