വിദ്യാർത്ഥികൾ മയക്കുമരുന്ന് ഉപയോഗിക്കുന്നതിനെതിരെ മുന്നറിയിപ്പ് നൽകി യുഎഇ മന്ത്രാലയം. ദേശീയ മയക്കുമരുന്ന് പ്രതിരോധ പരിപാടിയുമായും, മയക്കുമരുന്ന് നിയന്ത്രണ കൗൺസിലുമായും സഹകരിച്ചുകൊണ്ട് ഇപ്പോൾ ആഭ്യന്തര മന്ത്രാലയം (Mol) ഒരു മയക്കുമരുന്ന് പ്രതിരോധ ഗൈഡ് പുറത്തിറക്കുകയും, അത് രാജ്യത്തുടനീളമുള്ള എല്ലാ സ്കൂളുകളിലും വിതരണം ചെയ്യുകയും ചെയ്തിട്ടുണ്ട്.

അമിതവും കുറിപ്പടിയില്ലാത്തതുമായ മരുന്ന് ഉപയോഗം ആസക്തിയിലേക്കും മരണത്തിലേക്കും വരെ നയിച്ചേക്കാം, മയക്കുമരുന്നുകൾ ഉൾപ്പെടെയുള്ള ചില മരുന്നുകൾ കഴിക്കുന്നതിന്റെ അപകടങ്ങൾക്കെതിരെ, മന്ത്രാലയം ഗൈഡിലൂടെ കൗമാരക്കാർക്കും യുവാക്കൾക്കും മുന്നറിയിപ്പ് നൽകി. 

കേന്ദ്ര നാഡീവ്യൂഹത്തിലെ നാഡി സിഗ്നലുകളിൽ മാറ്റം വരുത്തി രോഗിയെ ശാന്തമാക്കാനും ഉറക്കം ലഭിക്കാനും രൂപകൽപ്പന ചെയ്ത മരുന്നുകളാണ് സെഡേറ്റീവ്സ്. ഉത്കണ്ഠ, സമ്മർദ്ദം, അപസ്മാരം, പാനിക് അറ്റാക്കുകൾ, ഉറക്ക തകരാറുകൾ എന്നി രോ​ഗാവസ്ഥകൾ ചികിത്സിക്കാനാണ് ഇവ സാധാരണയായി ഉപയോഗിക്കുന്നത്. 

അതീവ ജാഗ്രതയോടെ വേണം സെഡേറ്റീവ്സ് ഉപയോഗിക്കാൻ. സെഡേറ്റീവ്സ് ദുരുപയോഗം ചെയ്യുന്നതോ മദ്യം പോലുള്ള വസ്തുക്കളുമായി കലർത്തുന്നതോ ഗുരുതരമായ ആരോഗ്യ പ്രശ്നങ്ങൾക്ക് വഴിവെക്കും, അത് ജീവന് ഭീഷണിയാകാനും സാധ്യതയുണ്ട്. സെഡേറ്റീവുകളുടെ അമിത ഉപയോഗം ഹൃദയം, ശ്വാസകോശം, മറ്റ് അവയവങ്ങൾ എന്നിവയിലേക്കുള്ള നിർണായക നാഡി സിഗ്നലുകളെ തടസ്സപ്പെടുത്തുകയും അപകടകരമായ പാർശ്വഫലങ്ങൾക്ക് കാരണമാവുകയും ചെയ്യുമെന്ന് മന്ത്രാലയം മുന്നറിയിപ്പ് നൽകി.

മയക്കുമരുന്ന് ഉപയോഗത്തിന്റെ അപകടസാധ്യതകൾ

"മയക്കുമരുന്ന് പ്രതിരോധത്തിനായുള്ള രക്ഷാകർതൃ ഗൈഡ്" എന്ന പുസ്തകത്തിന്റെ ആദ്യ അധ്യായത്തിൽ കുട്ടികൾ ഏതെല്ലാം വസ്തുക്കളുമായി സമ്പർക്കം പുലർത്താൻ സാധ്യതയുണ്ട് എന്നതിനെക്കുറിച്ചും അവയുടെ ആരോഗ്യപരമായ പ്രത്യാഘാതങ്ങളെക്കുറിച്ചും വിശദമായി പ്രതിപാദിക്കുന്നുണ്ട്. 

ശാരീരിക പ്രത്യാഘാതങ്ങൾ: ഹൃദയം, രക്തസമ്മർദ്ദം എന്നിങ്ങനെയുള്ള തകരാറുകൾ, ദഹനവ്യവസ്ഥക്ക് തകരാർ, കഠിനമായ ഭാരക്കുറവ്, കരൾ അണുബാധ, രോഗപ്രതിരോധ ശേഷിക്കുറവ്, അപസ്മാരം, പെട്ടെന്നുള്ള മരണം.

മാനസിക പ്രത്യാഘാതങ്ങൾ: ഉറക്ക കുറവ്, മിഥ്യാധാരണകൾ, ഭ്രമാത്മകത, സ്കീസോഫ്രീനിയ, ഉത്കണ്ഠ, വിഷാദം, സാമൂഹിക അകൽച്ച, വൈകാരിക അസ്ഥിരത, ആത്മഹത്യാ പ്രവണതകൾ.

സാമൂഹിക പ്രത്യാഘാതങ്ങൾ: കുടുംബ തകർച്ച, വർദ്ധിച്ചുവരുന്ന കുറ്റകൃത്യങ്ങളുടെയും മോഷണ നിരക്കുകളുടെയും നിരക്ക്.

ലഘുവായ വാതകങ്ങൾ, പെയിന്റ് പുകകൾ, പശ തുടങ്ങിയ ഇൻഹാലന്റുകൾ ഉൾപ്പെടെയുള്ള വിവിധ തരം മരുന്നുകളെക്കുറിച്ചും ഗൈഡിൽ പറയുന്നു. ഇവ എളുപ്പത്തിൽ ലഭ്യമാകുമെങ്കിലും തലച്ചോറിനും കരളിനും കേടുപാടുകൾ, കൈകാലുകളുടെ മരവിപ്പ്, തലവേദന, ഓക്കാനം, ഭ്രമാത്മകത, വൃക്ക തകരാറ്, ശ്വസന പരാജയം, മൂക്കിനും വായക്കും ചുറ്റുമുള്ള അലർജി എന്നിങ്ങനെയുള്ള ഗുരുതരമായ ആരോഗ്യ പ്രശ്നങ്ങൾക്ക് കാരണമാകുന്നു.

The UAE Ministry of Education has issued a warning to students about the dangers of drug abuse.