ദുബൈയിലെ പ്രധാന പാർക്കിംഗ് സ്ഥലങ്ങളിൽ ഇലക്ട്രിക് വാഹന (EV) ചാർജിംഗ് സ്റ്റേഷനുകൾ സ്ഥാപിക്കാൻ ഒരുക്കങ്ങൾ തുടങ്ങി. ദുബൈയിലെ പണമടച്ചുള്ള പൊതു പാർക്കിംഗ് സൗകര്യങ്ങൾ കൈകാര്യം ചെയ്യുന്ന പാർക്കിൻ കമ്പനിയും ദുബൈ ഇലക്ട്രിസിറ്റി ആൻഡ് വാട്ടർ അതോറിറ്റി (DEWA)യും തമ്മിലുള്ള പുതിയ പങ്കാളിത്തത്തിന്റെ ഭാഗമായാണ് ഈ നടപടി. ഇതുവഴി ഇലക്ട്രിക് വാഹന ഉപഭോക്താക്കൾക്ക് കൂടുതൽ സൗകര്യപ്രദമായ ചാർജിംഗ് സംവിധാനങ്ങൾ ലഭ്യമാകുമെന്നാണ് പ്രതീക്ഷിക്കുന്നത്.

ഈ സുസ്ഥിരതാ പദ്ധതിയുടെ ആദ്യ ഘട്ടത്തിന്റെ ഭാഗമായി, 2025ന്റെ ആദ്യ പാദത്തിൽ DEWA പുതിയ ഇലക്ട്രിക് വാഹന ചാർജിംഗ് സ്റ്റേഷനുകൾ സ്ഥാപിക്കുമെന്ന് പ്രഖ്യാപിച്ചു.

22 കിലോവാട്ട് x 2 ശേഷിയുള്ള ആൾട്ടർനേറ്റിംഗ് കറന്റിൽ (AC) പ്രവർത്തിക്കുന്ന ചാർജിംഗ് സ്റ്റേഷനുകളാണ് സ്ഥാപിക്കപ്പെടുക. പാർക്കിൻ കൈകാര്യം ചെയ്യുന്ന പ്രധാന പാർക്കിംഗ് സൈറ്റുകളിൽ ഇവ സ്ഥാപിക്കുമെന്ന് ഇരു സ്ഥാപനങ്ങളും അറിയിച്ചു. ഓരോ ചാർജിംഗ് സ്റ്റേഷനും ഓരോ ചാർജിംഗ് പോയിന്റിനും 22 kW വരെ വൈദ്യുതി നൽകാൻ ശേഷിയുണ്ടാകും, കൂടാതെ ഓരോ സ്റ്റേഷനിലും അത്തരം രണ്ട് ചാർജിംഗ് പോയിന്റുകൾ ഉൾപ്പെടും. ഇതിലൂടെ, ഓരോ സ്റ്റേഷനും രണ്ടുപേർക്ക് ഒരേസമയം ചാർജ് ചെയ്യാനുള്ള സൗകര്യം നൽകും.

Dubai is set to introduce electric vehicle (EV) charging stations in major paid parking areas. This initiative, a collaboration between Parkin and the Dubai Electricity and Water Authority (DEWA), aims to enhance sustainability and convenience for EV owners. The first phase of the project will roll out in early 2025, strategically placing AC charging stations with a 22kW x2 capacity across key locations.