തൃവാനന്തപുരം: കെഎസ്ആർടിസിയുടെ വാടക വരുമാനത്തിൽ ഒരു കോടിയോളം രൂപയുടെ വർദ്ധന പ്രതീക്ഷിക്കുന്നതായി ഗതാഗത വകുപ്പ് മന്ത്രി കെ ബി ഗണേഷ് കുമാർ അറിയിച്ചു. പഴയ ഗ്രാമീണ സർവീസുകൾക്കായി പുതിയ ബസ്സുകൾ വാങ്ങാനും 27 അശോക് ലെയ്‌ലൻഡ് ചെറിയ ബസ്സുകൾ ഉടൻ ലഭ്യമാക്കാനും തീരുമാനിച്ചിട്ടുണ്ട്. 143 പുതിയ ബസ്സുകൾ വാങ്ങാൻ ഓർഡർ നൽകിയിട്ടുണ്ടെന്ന് മന്ത്രി വ്യക്തമാക്കി.

അതേസമയം, കെഎസ്ആർടിസിയിലെ അനാവശ്യ ചെലവുകൾ കുറക്കാൻ സിഎംഡിക്ക് വേണ്ട നിർദേശങ്ങൾ നൽകിയതായി അദ്ദേഹം പറഞ്ഞു. ഡ്രൈവർ, കണ്ടക്ടർ, മെക്കാനിക്കൽ തസ്തികയിലുള്ള 102 ഉദ്യോഗസ്ഥരെ മറ്റ് ചുമതലകളിലേക്ക് തിരികെ നിയോഗിച്ചിട്ടുണ്ട്. സേവനങ്ങൾക്കായി ടെലികമ്മ്യൂണിക്കേഷൻ മന്ത്രാലയത്തിന്റെ ടോൾഫ്രീ നമ്പർ രണ്ടാഴ്ചയ്ക്കകം ലഭ്യമാകുമെന്ന് മന്ത്രി വ്യക്തമാക്കി.

കെഎസ്ആർടിസി ജീവനക്കാർക്ക് എല്ലാ മാസവും ഒന്നാം തീയതി ശമ്പളം ലഭ്യമാക്കുമെന്ന് ഗണേഷ് കുമാർ വ്യക്തമാക്കി. ഈ ആവശ്യത്തിനായി സ്റ്റേറ്റ് ബാങ്ക് ഓഫ് ഇന്ത്യയിൽ നിന്ന് 100 കോടി രൂപ ഓവർഡ്രാഫ്റ്റ് എടുത്തു. സർക്കാരിൽ നിന്നും 50 കോടി രൂപ രണ്ടു ഘട്ടങ്ങളിൽ ലഭ്യമാകുമെന്ന് അദ്ദേഹം പറഞ്ഞു. ചെലവു ചുരുക്കലിലും വരുമാന വർദ്ധനവിലും നിന്ന് ഉണ്ടാകുന്ന പിരിവിൽ നിന്നും ഈ ബാധ്യതകൾ അടയ്ക്കുമെന്നും മന്ത്രി വാർത്താസമ്മേളനത്തിൽ വ്യക്തമാക്കി.