കണ്ണൂർ: കണ്ണൂർ വനിതാ ജയിലിന്റെ മുകളിലൂടെ അജ്ഞാത ഡ്രോൺ പറത്താൻ ശ്രമം,ശനിയാഴ്ച രാത്രി 11 മണിയോടെയാണ് സംഭവം നടന്നത്. ഇത് ജയിൽ സുരക്ഷയ്ക്ക് ഭീഷണിയാകുമെന്ന് ചൂണ്ടിക്കാണിച്ച് ജയിൽ സൂപ്രണ്ടിന്റെ പരാതി ലഭിച്ചതിന്റെ അടിസ്ഥാനത്തിൽ കണ്ണൂർ ടൗൺ പൊലീസ് കേസെടുത്തു. ജയിലിന്റെ ഓഫീസിന്റെ മുകളിലായി 25 മീറ്റർ ഉയരത്തിൽ ഡ്രോൺ പറന്നത് ശ്രദ്ധയിൽപ്പെട്ട ശേഷം ജയിൽ ജീവനക്കാരൻ സൂപ്രണ്ടിനെ വിവരമറിയിക്കുകയായിരുന്നു. രണ്ട് തവണ ജയിൽ കെട്ടിടത്തിന് ചുറ്റി പറന്നാണ് ഡ്രോൺ മടങ്ങിയത്. ഡ്രോൺ പറത്തിയത് ആരെന്ന് ഇതുവരെ കണ്ടെത്തിയിട്ടില്ല.