റിയാദ്: ഖുർആൻ ഇറങ്ങിയ മാസം ആണ് വിശുദ്ധ റമദാൻ. ഈ വിശുദ്ധ മാസത്തിൽ AI (നിർമിത ബുദ്ധി) സങ്കേതിക വിദ്യയിലൂടെ 10 ഭാഷകളിൽ ഖുർആൻ ഓടിപ്പിക്കുക ആണ് സഊദി അറേബ്യ. മസ്ജിദുൽ ഹറമിൽ ആണ്  എഐ-ഓപ്പറേറ്റഡ് അൽ-മഖ്‌റഅ (Al-Maqraa) എന്ന പേരിലുള്ള സംരംഭം തുടങ്ങിയത്. ലോകമെമ്പാടുമുള്ള ആളുകൾക്ക് 10 ഭാഷകളിൽ ഖുർആൻ വിദ്യാഭ്യാസം ലഭ്യമാക്കുകയാണ് ഇതിലൂടെ ലക്ഷ്യമിടുന്നത്.

ന്നു.

മസ്ജിദുൽ ഹറമിൻ്റെയും മസ്ജിദുന്നബവിയുടെയും കാര്യങ്ങളുടെ പരിപാലനത്തിനായുള്ള ജനറൽ അതോറിറ്റിയായ ഷെയ്ഖ് ഡോ. അബ്ദുൾറഹ്മാൻ അൽ-സുദൈസാണ് അൽ-മഖ്‌റ എന്ന ഓൺലൈൻ പരിപാടി ആരംഭിച്ചത്. കൃത്യമായ വിവർത്തനങ്ങൾ, ഖുർആൻ സൂക്തങ്ങളുടെ വ്യാഖ്യാനങ്ങൾ,  പഠന ഉപകരണങ്ങൾ എന്നിവ നൽകുന്നതിനുമായി അന്താരാഷ്ട്ര നൂതന ഡിജിറ്റൽ പ്ലാറ്റ്‌ഫോം രൂപകൽപ്പന ചെയ്‌തിട്ടുണ്ടെന്ന് സൗദി പ്രസ് ഏജൻസി (എസ്‌പി‌എ) റിപ്പോർട്ട് ചെയ്തു. 

യോഗ്യതയുള്ള അധ്യാപകരുടെ മേൽനോട്ടത്തിൽ പാരായണം, തജ്‌വീദ്, മനഃപാഠമാക്കൽ എന്നിവയ്‌ക്കുള്ള സമഗ്രമായ ഉള്ളടക്കം അൽ-മഖ്‌റ നൽകുന്നു. ഖുർആൻ പഠനം  നിരീക്ഷിക്കാനായി ശക്തമായ ഒരു  ഭരണ സംവിധാനം, വിശദമായ വിശകലന റിപ്പോർട്ടുകൾ, മികച്ച വിദ്യാഭ്യാസ അന്തരീക്ഷം, എളുപ്പത്തിൽ ഗ്രഹിക്കാൻ കഴിയുന്ന പഠന അന്തരീക്ഷം,  അംഗീകൃത ഖുർആൻ പാരായണ സർട്ടിഫിക്കറ്റു സംവിധാനം എന്നിവ സംരംഭത്തിൻ്റെ ഭാഗമാണ്.

  ഈ സംരംഭം എല്ലാ മുസ്‌ലിംകൾക്കും, പ്രത്യേകിച്ച് മസ്ജിദുൽ ഹറമിലെ   സന്ദർശകർക്കും നൽകുന്ന ഒരു റമദാൻ സമ്മാനമാണ്- അൽ സുദൈസ് പറഞ്ഞു.

Saudi Arabia launches AI-operated Quran studies platform in 10 languages