ന്യൂഡൽഹി: ഡൽഹിയിലെ  'തു​ഗ്ലക് ലെയിൻ' റോഡിന്റ പേര് മാറ്റിയോ?. ഔദ്യോ​ഗികമായിട്ടല്ലെങ്കിലും റോഡിന്റെ പേര് സ്വന്തം നിലയ്ക്ക് മാറ്റിയിരിക്കുകയാണ്  ബി.ജെ.പി നേതാക്കൾ. ബി.ജെ.പി രാജ്യസഭാ എം.പി ദിനേശ് ശർമ്മയും കേന്ദ്രമന്ത്രി കൃഷൻ പാൽ ഗുജാറുമാണ് പേര് മാറ്റിയ നേതാക്കൾ. അവരുടെ ഔദ്യോ​ഗിക വസതികൾക്കു മുന്നിലെ നെയിംബോർഡിലാണ് പേര്മാറ്റം.

 
 'തു​ഗ്ലക് ലെയിൻ' എന്നത് 'സ്വാമി വിവേകാനന്ദ മാർഗ്' എന്നാക്കിയാണ് മാറ്റിയിരിക്കുന്നത്. ഗൂഗിളിൽ സ്ഥലത്തിന്റെ പേര് സ്വാമി വിവേകാനന്ദ മാർഗ് എന്ന് കാണിക്കുന്നു എന്നാണ് അവർ നൽകുന്ന വിശദീകരണം. 

മുഗൾ രാജാക്കന്മാരുടെ പേരുകൾ ഡൽഹിയിലെ റോഡുകളിൽ നിന്ന് മാറ്റണമെന്നത് കാലങ്ങളായി ബി.ജെ.പി നേതാക്കൾ മുന്നോട്ടു വെക്കുന്ന ആവശ്യമാണ്.  അടുത്ത കാലത്തും ഈ ആവശ്യവുമായി പലരും രം​ഗത്തെത്തിയിരുന്നു. ഇതിനിടെയാണ്  ബി.ജെ.പി രാജ്യസഭാ എംപിയും കേന്ദ്രമന്ത്രിയും സ്വയം ഡൽഹിയിലെ റോഡിന്റെ പേര് മാറ്റിയത്. 

ഡൽഹിയിലെ മുസ്തഫാബാദ് മണ്ഡലത്തെ ശിവ് പുരി എന്ന് പുനർനാമകരണം ചെയ്യണമെന്ന് നേരത്തെ ബി.ജെ.പി ആവശ്യപ്പെട്ടിരുന്നു. ഡൽഹിയിൽ മുഗൾചക്രവർത്തിമാരുടെ പേരിലുള്ള റോഡുകളുടെ സൂചന ബോർഡുകൾക്ക് നേരെ ആക്രമണം വരെ നടത്തിയിരുന്നു ബി.ജെ.പി പ്രവർകത്തകർ. 

നേതാക്കളുടെ പ്രവർത്തിക്കെതിരെ പ്രതിപക്ഷം രം​ഗത്തെത്തി. ചരിത്രത്തെ തിരുത്തിക്കുറിക്കാൻ ആണ് ബി.ജെ.പിയുടെ ശ്രമമെന്ന് പ്രതിപക്ഷം ആരോപിച്ചു.

Delhi: BJP MP Krishan Pal Gurjar has renamed his residence to "Swami Vivekananda Marg," while BJP Rajya Sabha MP Dinesh Sharma also changed his residence's name to "Vivekananda Marg," with "Tughlaq Lane" inscribed beneath pic.twitter.com/HWLTiwKbck

— IANS (@ians_india) March 7, 2025

BJP leaders, including MP Dinesh Sharma and Union Minister Krishan Pal Gurjar, have unofficially renamed ‘Tughlaq Lane’ to ‘Swami Vivekananda Marg’ on their nameboards. They claim Google Maps already reflects the new name.