മുടി നരക്കുക എന്ന് പറയുന്നത് പ്രായമാകുന്നതിന്റ ഭാഗമായുള്ള ഒരു സ്വാഭാവിക പ്രക്രിയയാണ്. നമ്മുടെ ചര്‍മ്മത്തിലുള്ള ദശലക്ഷകണക്കിന് രോമകൂപങ്ങളില്‍ മെലാനിന്‍ എന്ന പിഗ്‌മെന്റ് അടങ്ങിയിട്ടുണ്ടെന്ന് നമുക്കറിയാം. പ്രായം കൂടും തോറും ഇവക്ക് അവയിലെ സ്വാഭാവിക പിഗ്‌മെന്റ് നഷ്ടപ്പെടാന്‍ തുടങ്ങും. ഇതോടെ മുടിയുടെ കറുപ്പു നിറം പതിയെ ഇല്ലാതാവും. 

എന്നാല്‍ പ്രായഭേദമില്ലാതെ ഇപ്പോള്‍ എല്ലാവരെയും അലട്ടുന്ന പ്രശ്‌നമായിരിക്കുന്നു നര. ആകാല നര എന്ന് നമ്മള്‍ വിളിക്കുന്ന ഇതിനെ തടയാന്‍ പലരും പല വഴികളും പരീക്ഷിക്കാറുണ്ട്. അകാലനര വരുന്നതില്‍ നമ്മുടെ ഭക്ഷണത്തിനും നല്ല പങ്കുണ്ട്. നാം കഴിക്കുന്ന ഭക്ഷണത്തില്‍  അയണ്‍, വിറ്റാമിന്‍ ബി, അയഡിന്‍, ഒമേഗ 3 എന്നിവയുടെ അഭാവമുണ്ടാവുന്നത് അകാല നരയിലേക്ക് നയിക്കുമെന്ന് പഠനങ്ങള്‍ തെളിയിച്ചിട്ടുണ്ട്.  മസമ്മര്‍ദ്ദവും ഒരു കാരണമാണ്. പിന്നെ പാരമ്പര്യം, ഹോര്‍മോണ്‍ അസന്തുലിതാവസ്ഥ, മലബന്ധം അല്ലെങ്കില്‍ വിളര്‍ച്ച പോലുള്ള ആരോഗ്യ പ്രശ്‌നങ്ങളുടെ പാര്‍ശ്വഫലമായും അകാല നര വരാം. 

നരയെ തടയാന്‍ പല വഴികളും മാര്‍ക്കറ്റില്‍ ലഭ്യമാണ്. പെട്ടെന്ന് കറുപ്പിക്കുന്ന വിവിധ തരം ഡൈകള്‍ നമുക്ക് കാണാന്‍ കഴിയും. നോ അമോണിയ എന്നൊക്കെ പറഞ്ഞാലും ഇവയുടെ സ്ഥിരമായ ഉപയോഗം പലപ്പോഴും നര വര്‍ധിക്കുന്നതിന് കാരണമാകാറുണ്ടെന്ന് കാണാം. നാച്വറലായ കാര്യങ്ങളും ധാരാളമായി നമുക്ക് മുന്നിലുണ്ട്. എന്നാല്‍ പലതും വേണ്ടത്ര ഫലം കാണാറില്ല. എന്നാല്‍ ഇപ്പോള്‍ നാം പറയാന്‍ പോകുന്ന വഴി ഏറെ ഫലപ്രദമാണെന്നാണ് ഉപയോക്താക്കള്‍ വ്യക്തമാക്കുന്നത്.  

 ഒറ്റത്തവണത്തെ ഉപയോഗത്തിലൂടെ തന്നെ മാസങ്ങളോളം മുടിയുടെ നിറം നിലനിര്‍ത്താന്‍ കഴിയുന്ന ഒരു ഹെയര്‍ ഡൈ ആണിത്. രണ്ടേ രണ്ട് സാധനങ്ങള്‍ മതി ഇത് തയ്യാറാക്കാന്‍.  തയ്യാറാക്കുന്നതെങ്ങനെയെന്ന് നോക്കിയാലോ 

അവശ്യമായ സാധനങ്ങള്‍ ഇവയാണ് 
കരിംജീരകം  5 ടേബിള്‍സ്പൂണ്‍

വെളിച്ചെണ്ണ  100 മില്ലി

എങ്ങനെ തയ്യാറാക്കാം
ഒരു ഇരുമ്പ് ചീനച്ചട്ടിയില്‍ കരിംജീരകം ഇട്ട് നന്നായി ചൂടാക്കുക.തണുത്ത ശേഷം നന്നായി പൊടിച്ചെടുക്കുക. പൊടിച്ച ജീരകം ഇരുമ്പ് ചീനച്ചട്ടിയിലേക്ക് തന്നെ മാറ്റി അതിലേക്ക് വെളിച്ചെണ്ണ ഒഴിക്കുക. ഒരു ദിവസം മുഴുവന്‍ അടച്ചുവയ്ക്കുക. ഇത് സൂക്ഷിച്ച് വെച്ച് ദിവസങ്ങളോളം ഉപയോഗിക്കാവുന്നതാണ്. 

ഉപയോഗിക്കുമ്പോഴും വേണം ശ്രദ്ധ
എണ്ണമയം ഒട്ടുമില്ലാത്ത മുടിയിലേക്കാണ് ഈ ഡൈ പുരട്ടേണ്ടത്. ഒന്നോ രണ്ടോ മണിക്കൂര്‍ വച്ചശേഷം കഴുകി കളയാം. ആ സമയത്ത് ഷാംപൂ ഉപയോഗിക്കരുത്. അടുത്ത ദിവസം ഷാംപൂ ഉപയോഗിച്ച് നിങ്ങള്‍ക്ക് മുടിയിലെ എണ്ണ കഴുകി കളയാം. സ്ഥിരമായി ഈ എണ്ണ തേച്ച് കുളിക്കുന്നതിലൂടെ നര പൂര്‍ണമായും മാറുമെന്നാണ് ഉപയോക്താക്കള്‍ പറയുന്നത്. മാത്രമല്ല പുതിയ മുടികള്‍ നരയ്ക്കാതിരിക്കാന്‍ ഇത് സഹായിക്കുമെന്നും അവര്‍ ഉറപ്പിച്ച്  പറയുന്നു.