കണ്ണൂര്‍: മുഖസൗന്ദര്യം വര്‍ധിപ്പിക്കാനുള്ള ചികിത്സയെ തുടര്‍ന്ന് പാര്‍ശ്വഫലങ്ങള്‍ ഉണ്ടായതായി യുവതിയുടെ പരാതി. സംഭവത്തില്‍ ഡോക്ടര്‍ വരുണ്‍ നമ്പ്യാര്‍ക്കെതിരേ പയ്യന്നൂര്‍ പൊലിസ് കേസെടുത്തു. മലപ്പുറം സ്വദേശിയായ 37 കാരിയാണ് പരാതി നല്‍കിയത്.

സാമൂഹിക മാധ്യമത്തിലൂടെയാണ് യുവതി ക്ലിനിക്കിനെ കുറിച്ചറിഞ്ഞത്. മോഡല്‍ കൂടിയായിരുന്നു യുവതി. സ്‌കിന്‍ ആന്റ് ഹെയര്‍ ക്ലിനിക് സര്‍ജന്‍ എന്നാണ് ഇവരുടെ പരസ്യത്തിലുണ്ടായിരുന്നത്. ചികിത്സയ്ക്കായി 50,000 രൂപയും യുവതിയില്‍ നിന്നു വാങ്ങി എന്നും പരാതിയില്‍ പറയുന്നു.

കഴിഞ്ഞ നവംബര്‍ 27, ഡിസംബര്‍ 16 എന്നീ തിയതികളില്‍ ഡോക്ടറുടെ നിര്‍ദേശപ്രകരമാണ് യുവതി ഫേസ് ലിഫ്റ്റിങ് ചികിത്സയ്ക്കായി വിധേയയായത്. ചിക്തിസ കഴിഞ്ഞതിനു ശേഷം പാര്‍ശ്വഫലങ്ങള്‍ ഉണ്ടായതിനെ തുടര്‍ന്ന് ഡോക്ടറെ സമീപിക്കുകയും ചെയ്തിരുന്നു. എന്നാല്‍ തുടര്‍ ചികിത്സ നല്‍കിയില്ലെന്നാണ് യുവതി പരാതിയില്‍ പറയുന്നത്.