തിരുവനന്തപുരം: ചാന്നാങ്കര മുസ്‌ലിം ജമാഅത്തിന്റെ ആഭിമുഖ്യത്തില്‍ വലിയുള്ളാഹി മണ്ണെണ്ണ മസ്താന്റെ 63ാമതു ആണ്ടുനേര്‍ച്ചയോടനുബന്ധിച്ച് മതവിജ്ഞാന സദസ്സും ദുആ മജ്‌ലിസ്സും മദ്രസാ കെട്ടിടത്തിന്റെ ഉദ്ഘാടനവും നടത്തും.മദ്രസാ കെട്ടിടത്തിന്റെ ഉദ്ഘാടനം നാളെ വൈകിട്ട് ആറിന് പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വഹിക്കും. ഒമ്പതാം തീയതി വരെ രാത്രി ഏഴു മണിക്കു നടക്കുന്ന മതവിജ്ഞാന സദസ്സില്‍ ഇന്നും നാളെയും അബ്ദുല്‍സലാം മൗലവി തഴവ, 6,7 തീയതികളില്‍ മാഹീന്‍ മന്നാനി വെമ്പായം, 8ാം തീയതി അബൂറബിഅ് സ്വദഖത്തുള്ള മൗലവി, 9ാം തീയതി സയ്യിദ് ഗാഷിം സഖാഫി അയിലക്കാട് എന്നിവര്‍ പ്രഭാഷണം നടത്തും.