വാഷിംഗ്ടണ്‍: യുഎസ് പ്രസിഡന്റ് ഡൊണാള്‍ഡ് ട്രംപിന്റെ ഭരണകൂടം ഡസന്‍ കണക്കിന് രാജ്യങ്ങളിലെ പൗരന്മാരെ വ്യത്യസ്ത തോതില്‍ ബാധിക്കുന്ന ഒരു പുതിയ യാത്രാ നിരോധനം പരിഗണിക്കുകയാണെന്ന് ന്യൂയോര്‍ക്ക് ടൈംസ് റിപ്പോര്‍ട്ട് ചെയ്തു. ഉദ്യോഗസ്ഥരെ ഉദ്ധരിച്ച്, 43 രാജ്യങ്ങള്‍ ഉള്‍പ്പെടുന്ന ഡ്രാഫ്റ്റ് ലിസ്റ്റില്‍ യാത്രാ നിയന്ത്രണങ്ങളുള്ള രാജ്യങ്ങളെ മൂന്ന് വിഭാഗങ്ങളായി തിരിച്ചിട്ടുണ്ടെന്ന് പറയുന്നു.

ചുവപ്പ് വിഭാഗത്തിലെ രാജ്യങ്ങളിലെ പൗരന്മാര്‍ക്ക് യുഎസിലേക്ക് പൂര്‍ണ്ണമായും പ്രവേശനം നിഷേധിക്കും. ഇതില്‍ അഫ്ഗാനിസ്ഥാന്‍, ഭൂട്ടാന്‍, ക്യൂബ, ഇറാന്‍, ലിബിയ, ഉത്തര കൊറിയ, സോമാലിയ, സുഡാന്‍, സിറിയ, വെനിസ്വേല, യെമന്‍ തുടങ്ങിയ രാജ്യങ്ങള്‍ ഉള്‍പ്പെടുന്നു.

ഓറഞ്ച് വിഭാഗത്തില്‍ ഒമ്പത് രാജ്യങ്ങളാണുള്ളത് ബെലാറസ്, എറിത്രിയ, ഹെയ്തി, ലാവോസ്, മ്യാന്‍മാര്‍, പാകിസ്ഥാന്‍, റഷ്യ, സിയെറ ലിയോണ്‍, സൗത്ത് സുഡാന്‍, തുര്‍ക്‌മെനിസ്ഥാന്‍ തുടങ്ങിയ രാജ്യക്കാരുടെ വിസകള്‍ ഇവരുടെ വിസകള്‍ കൂടുതല്‍ നിയന്ത്രിക്കപ്പെടും.

'അത്തരം സാഹചര്യങ്ങളില്‍, സമ്പന്നരായ ബിസിനസ്സ് യാത്രക്കാര്‍ക്ക് പ്രവേശനം അനുവദിക്കാം, എന്നാല്‍ കുടിയേറ്റ അല്ലെങ്കില്‍ ടൂറിസ്റ്റ് വിസയില്‍ യാത്ര ചെയ്യുന്നവര്‍ക്ക് അനുവാദം നല്‍കില്ല,' എന്ന് ന്യൂയോര്‍ക്ക് ടൈംസ് വ്യക്തമാക്കി. ഓറഞ്ച് ലിസ്റ്റിലുള്‍പ്പെട്ട രാജ്യങ്ങളിലെ പൗരന്മാര്‍ക്ക് വിസ ലഭിക്കുന്നതിന് പേഴ്‌സണല്‍ ഇന്റര്‍വ്യൂ നേരിടേണ്ടിവരും.

യെല്ലോ ലിസ്റ്റിലെ 22 രാജ്യങ്ങള്‍ക്ക് യുഎസിന്റെ ആശങ്കകള്‍ പരിഹരിക്കാന്‍ 60 ദിവസം സമയം നല്‍കും, അല്ലെങ്കില്‍ കൂടുതല്‍ കര്‍ശനമായ വിഭാഗങ്ങളിലേക്ക് മാറ്റപ്പെടാനുള്ള സാധ്യതയുണ്ട്.

The US has imposed travel restrictions on 43 countries across three categories, citing security concerns and pandemic-related issues, impacting global travel and immigration.