ചെന്നൈ: തമിഴ്നാട് സംസ്ഥാന ബജറ്റിന്റെ ലോഗോയിൽ നിന്ന് രൂപ ചിഹ്നം ഒഴിവാക്കിയതുമായി ബന്ധപ്പെട്ട വിവാദത്തിൽ ആദ്യമായി പ്രതികരിച്ച് മുഖ്യമന്ത്രി എം. കെ. സ്റ്റാലിൻ. "ബജറ്റും ഹിറ്റ്, തമിഴും ഹിറ്റ്" എന്നായിരുന്നു സ്റ്റാലിന്റെ പ്രതികരണം.

രൂപ ചിഹ്നം ഒഴിവാക്കിയത് പ്രശ്നമാക്കുന്നത് തമിഴ് ഭാഷയെ ഇഷ്ടപ്പെടാത്തവരാണെന്ന് സ്റ്റാലിൻ കുറ്റപ്പെടുത്തി. കേന്ദ്രം സംസ്ഥാനത്തിന് വേണ്ടുന്ന വിഹിതം നൽകുന്നില്ലെന്നും, അതേസമയം ധനകാര്യ മന്ത്രി നിർമല സീതാരാമൻ തന്നെ തമിഴിലെ 'രൂ' അക്ഷരം ഉപയോഗിച്ചിട്ടുണ്ടെന്നും അദ്ദേഹം ചൂണ്ടിക്കാട്ടി.

വോട്ടർമാരുടെ ചോദ്യങ്ങൾക്ക് മറുപടി പറയുന്ന 'ഉങ്കളിൽ ഒരുവൻ' പരിപാടിയിലാണ് സ്റ്റാലിന്റെ ഈ പരാമർശം.സംസ്ഥാന ബജറ്റ് ലോഗോ പുറത്തിറക്കിയതിന് പിന്നാലെയാണ് ദേവനാഗരി ലിപിയിൽ ഉള്ള രൂപ ചിഹ്നം ഒഴിവാക്കിയെന്ന് ശ്രദ്ധേയമായത്. പകരം, തമിഴ് അക്ഷരമാലയിലെ 'രൂ' അക്ഷരമാണ് ഉപയോഗിച്ചിരിക്കുന്നത്. 2010 ജൂലൈയിൽ ഔദ്യോഗികമായി അംഗീകരിച്ച രൂപ ചിഹ്നം ഒഴിവാക്കി ഒരു സംസ്ഥാനം വ്യത്യസ്ത സമീപനം സ്വീകരിക്കുന്നത് ഇതാദ്യമായാണ്.

ദേശീയ വിദ്യാഭ്യാസ നയത്തിന്റെ മറവിൽ ഹിന്ദി അടിച്ചേൽപിക്കാൻ ബിജെപി ശ്രമിക്കുന്നു എന്ന ആരോപണം ഉയരുന്നതിനിടെയാണ് സ്റ്റാലിന്റെ ഈ നീക്കം പുതിയ ചർച്ചകൾക്ക് വഴി തുറന്നിരിക്കുന്നത്.

Tamil Nadu Chief Minister M.K. Stalin has responded to the controversy over removing the rupee symbol from the state budget logo. "Budget hit, Tamil hit," he remarked, adding that those who dislike Tamil are the ones making it an issue.