പാകിസ്ഥാൻ സൈനിക വാഹനവ്യൂഹത്തിന് നേരെയുണ്ടായ ചാവേറാക്രമണത്തിൽ 90 സുരക്ഷാ സേനാംഗങ്ങൾ കൊല്ലപ്പെട്ടുവെന്ന ബലൂചിസ്ഥാൻ ലിബറേഷൻ ആർമി (ബി‌എൽ‌എ)യുടെ അവകാശവാദം നിഷേധിച്ച് പാകിസ്ഥാൻ. നൗഷ്കിയിലെ ആക്രമണത്തിൽ അഞ്ച് പേർ മാത്രമാണ് കൊല്ലപ്പെട്ടതെന്നാണ് പാകിസ്ഥാൻ വ്യക്തമാക്കുന്നത്. 

മൂന്ന് ഫ്രോണ്ടിയർ കോർപ്സ് (എഫ്‌സി) ഉദ്യോഗസ്ഥരും രണ്ട് സാധാരണക്കാരുമാണ് കൊല്ലപ്പെട്ടതെന്ന് അധികൃതർ പറഞ്ഞു. നൗഷ്കി-ഡൽബന്ദിൻ ദേശീയ പാതയിൽ നടന്ന ആക്രമണത്തിൽ മുപ്പത് പേർക്ക് പരുക്കേറ്റു. തെളിവുകളുടെ അടിസ്ഥാനത്തിൽ ഒരു ചാവേർ ആക്രമണകാരി സ്ഫോടകവസ്തുക്കൾ നിറച്ച വാഹനം സൈനിക വാഹനവ്യൂഹത്തിലേക്ക് ഇടിച്ചുകയറ്റുകയായിരുന്നുവെന്ന് പൊലിസ് വ്യക്തമാക്കി. 

അതേസമയം ആക്രമണത്തിന്റെ ദൃശ്യങ്ങൾ ബലൂചിസ്ഥാൻ ലിബറേഷൻ ആർമി എക്സിൽ പങ്കുവച്ചു. ഹക്കൽ മീഡിയ പ്രസന്റേഷൻ നിർമ്മിച്ച ദൃശ്യങ്ങളിൽ ബസ് പൊട്ടിത്തെറിക്കുന്നതും കട്ടിയുള്ള പുക ആകാശത്തേക്ക് ഉയരുന്നതും കാണാം. കൂടാതെ, കത്തിയ ബസിന്റെ അവശിഷ്ടങ്ങൾ വളരെ അടുത്തുനിന്ന് കാണാനാവും. സ്ഫോടനത്തിൽ മറ്റൊരു ബസിനും ഭാഗികമായ കേടുപാടുകൾ സംഭവിച്ചു.

Breaking News
Baloch Liberation Army media #Hakkal published the first visuals #Noshki attack on Pakistan Army's convoy.

- BLA Majeed Brigade and Special Unit Fateh Squad targeted an occupying Pakistani Army convoy in a deadly attack in Noshki. A total of 90 enemy personnel… pic.twitter.com/n4sCc3DNKM

— Bahot | باہوٹ (@bahot_baluch) March 16, 2025

പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് ആക്രമണത്തെ അപലപിച്ചു, ഇത്തരം സംഭവങ്ങൾക്ക് "ഭീകരതയ്‌ക്കെതിരായ രാജ്യത്തിന്റെ ദൃഢനിശ്ചയത്തെ തകർക്കാൻ കഴിയില്ല" എന്ന് അദ്ദേഹം വ്യക്തമാക്കി. ആഭ്യന്തര മന്ത്രി മൊഹ്‌സിൻ നഖ്‌വിയും ബലൂചിസ്ഥാൻ മുഖ്യമന്ത്രി സർഫ്രാസ് ബുഗ്തിയും ആക്രമണത്തെ അപലപിച്ചു.

Pakistan has dismissed the claims made by Baloch rebels, stating that their allegations are false. Meanwhile, the Balochistan Liberation Army (BLA) has released new footage to support their assertions. The situation remains tense as conflicting narratives emerge. Stay updated on the latest developments.