റിയാദ്: അബ്ദുല്‍ റഹീമിന്റെ കേസ് റിയാദ് കോടതി വീണ്ടും നീട്ടി. തുടര്‍ച്ചയായ പത്താം തവണയാണ് കോടതി കേസ് നീട്ടിവെക്കുന്നത്. രാവിലെ പതിനൊന്നു മണിക്ക് ആരംഭിച്ച ഇന്നത്തെ സിറ്റിംഗിലും മോചനത്തെ സംബന്ധിച്ച് തീരുമാനമായില്ല. സഊദി പൗരന്‍ കൊല്ലപ്പെട്ട കേസിലാണ് റഹീം ജയിലില്‍ കഴിയുന്നത്. 

റഹീമിന്റെ അഭിഭാഷകര്‍, ഇന്ത്യന്‍ എംബസി ഉദ്യോഗസ്ഥന്‍ സവാദ്, കുടുംബപ്രതിനിധി സിദ്ദിഖ് തുവ്വൂര്‍ എന്നിവര്‍ ഹാജരായിരുന്നു. കോടതി ആവശ്യപ്പെട്ടത് അനുസരിച്ച് ഗവര്‍ണറേറ്റ് ആഭ്യന്തര മന്ത്രാലയത്തില്‍ നിന്ന് കേസ് ഫയലിന്റെ ഹാര്‍ഡ് കോപ്പി ആവശ്യപ്പെട്ടിട്ടുണ്ട്. കേസ് നീളുന്നതുമായി ബന്ധപ്പെട്ട് റഹീമിന്റെ അഭിഭാഷകന്‍ കഴിഞ്ഞ ദിവസം ഗവര്‍ണറെ കണ്ടിരുന്നു.

മാര്‍ച്ച് മൂന്നിനാണ് ഇതിനു മുമ്പത്തെ സിറ്റിംഗ്. റിയാദിലെ ഇസ്‌കാന്‍ ജയിലില്‍ കഴിയുന്ന റഹീമിന്റെ തടവുകാലം പത്തൊമ്പതു വര്‍ഷത്തിലേക്ക് കടന്നിരിക്കുകയാണ്.