തിരുവനന്തപുരം: സംസ്ഥാനത്ത് മയക്കുമരുന്ന് വിൽപ്പനക്കും ഉപയോഗത്തിനുമെതിരായ ഓപ്പറേഷൻ "ഡി-ഹണ്ട്" സംസ്ഥാന വ്യാപകമായി നടത്തിയ സ്പെഷ്യൽ ഡ്രൈവിൽ നടത്തിയതിൽ 212 പേർ പിടിയിലായി. മാർച്ച് 17-ന് നടന്ന പ്രത്യേക റെയ്ഡിൽ 2994 പേർ പരിശോധനയ്ക്ക് വിധേയരാവുകയും 203 കേസുകൾ രജിസ്റ്റർ ചെയ്യപ്പെടുകയും ചെയ്തു.

പിടികൂടിയ മയക്കുമരുന്നുകൾ:

- എംഡിഎംഎ - 36.857 ഗ്രാം
- കഞ്ചാവ് - 6.975 കിലോ
- കഞ്ചാവ് ബീഡി - 148 എണ്ണം

മയക്കുമരുന്ന് വിൽപനയും ഉപയോ​ഗവും തടയാൻ സംസ്ഥാന പൊലീസ് മേധാവി ഡോ. ഷെയ്ഖ് ദർവേഷ് സാഹിബിൻ്റെ നിർദ്ദേശപ്രകാരമാണ് ഓപ്പറേഷൻ നടപ്പാക്കിയത്.സംസ്ഥാന ആന്‍റി നര്‍ക്കോട്ടിക്സ് ടാസ്ക് ഫോഴ്സ് തലവനും ക്രമസമാധാന വിഭാഗം എഡിജിപിയുമായ മനോജ് എബ്രഹാം നേതൃത്വം നൽകുന്ന ആൻറി-നർക്കോട്ടിക്സ് ടാസ്ക് ഫോഴ്‌സിന്റെ മേൽനോട്ടത്തിലാണ് റെയ്ഡ് നടന്നത്.

പൊതുജനങ്ങളിൽ നിന്ന് മയക്കുമരുന്ന് സംബന്ധിച്ച രഹസ്യ വിവരങ്ങൾ സ്വീകരിക്കാൻ 9497927797 എന്ന 24x7 കൺട്രോൾ റൂം നമ്പർ പ്രവർത്തനക്ഷമമാണ്. സ്റ്റേറ്റ് ലെവൽ എൻഡിപിഎസ് കോർഡിനേഷൻ സെൽ, ആൻറി-നർക്കോട്ടിക്സ് ഇൻറലിജൻസ് സെൽ എന്നിവയുടെ നിരന്തരമായ നിരീക്ഷണത്തിൽ ഓപ്പറേഷൻ ഡി-ഹണ്ട് തുടരുന്നതായും പൊലീസ് അറിയിച്ചു.

In a state-wide special drive against drug trafficking, 212 people were arrested, and 203 cases were registered. Police seized 36.857g of MDMA, 6.975kg of cannabis, and 148 cannabis beedis. The operation, led by ADGP Manoj Abraham, will continue in the coming days.