കൊല്ലം: ഓണക്കാലത്ത് മദ്യവില്‍പന, മറ്റു ലഹരി വസ്തുക്കളുടെ വില്‍പന എന്നിവ തടയുന്നതിന് കര്‍ശന നടപടി സ്വീകരിക്കണമെന്ന് താലൂക്ക് വികസന സമിതി യോഗം ആവശ്യപ്പെട്ടു.
അക്ഷയ സെന്റര്‍ വഴിയുള്ള സേവനങ്ങളുടെ സര്‍വീസ് ചാര്‍ജ് എല്ലാ അക്ഷയ കേന്ദ്രങ്ങളിലും പ്രദര്‍ശിപ്പിക്കണമെന്നും സമിതി യോഗം ആവശ്യപ്പെട്ടു. തടത്തിവിള രാധാകൃഷ്ണന്‍ അധ്യക്ഷനായി. തഹസീല്‍ദാര്‍ പി.ആര്‍ ഗോപാലകൃഷ്ണന്‍, മുഖത്തല ബ്ലോക്ക് പ്രസിഡന്റ് രാജീവ്, മയ്യനാട് പഞ്ചായത്ത് പ്രസിഡന്റ് എന്‍ ലക്ഷ്മണന്‍, വൈസ് പ്രസിഡന്റ് ലൈല, കോര്‍പ്പറേഷന്‍ സ്റ്റാന്റിംഗ് കമ്മിറ്റിയംഗം ജയന്‍, സുകുമാരി അമ്മ, ഫിഷറീസ് മന്ത്രിയുടെ പ്രൈവറ്റ് സെക്രട്ടറി വി എ റീസ്, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.