കൊട്ടാരക്കര: സപ്ലൈകോ ഓണം-ബക്രീദ് മാര്‍ക്കറ്റ് നാളെ ആരംഭിക്കും. വൈദ്യുതിഭവനു സമീപമുള്ള സപ്ലൈകോ താലൂക്ക് ഡിപ്പോയില്‍ ആരംഭിക്കുന്ന വിപണനമേള അയിഷാപോറ്റി എം.എല്‍.എ ഉദ്ഘാടനം ചെയ്യും. നഗരസഭാധ്യക്ഷ ഗീതാസുധാകരന്റെ അധ്യക്ഷതയില്‍ ഉപാധ്യക്ഷന്‍ എ.ഷാജു ആദ്യവില്‍പ്പന നിര്‍വഹിക്കും. രാവിലെ ഒമ്പതു മുതല്‍ രാത്രി ഒന്‍പതുവരെയാണ് പ്രവര്‍ത്തന സമയം. പച്ചക്കറി, ഏത്തക്കായ, സ്റ്റേഷനറി മുതലായവ കുറഞ്ഞ വിലയില്‍ ലഭിക്കും. 13 വരെ ഓണച്ചന്തയും എല്ലാ സപ്ലൈകോ ഔട്ട്‌ലെറ്റുകളും അവധിയില്ലാതെയും ലഞ്ച്‌ബ്രേക്ക് ഇല്ലാതെയും പ്രവര്‍ത്തിക്കുമെന്ന് ഡിപ്പോ മാനേജര്‍ അറിയിച്ചു.