മുംബൈ: മുംബൈയിലെ അന്ധേരി റെയില്‍വേ സ്റ്റേഷന് സമീപം ഒരു ചായ വില്‍പ്പനക്കാരന്റെ ദൃശ്യങ്ങള്‍ സമൂഹമാധ്യമമായ എക്‌സില്‍ വൈറലായി കൊണ്ടിരിക്കുകയാണ്. ഗുജറാത്തില്‍ നിന്നുള്ള ഇന്ത്യന്‍ വ്യവയായി ഗൗതം അദാനിയുമായുള്ള സാമ്യം കാരണമായാണ് ഇയാളുടെ ചിത്രങ്ങളും വീഡിയോകളും പ്രചരിച്ചുകൊണ്ടിരിക്കുന്നത്.
 മൈക്രോബ്ലോഗിംഗ് പ്ലാറ്റ്‌ഫോമായ എക്‌സില്‍ വ്യാപകമായി ഷെയര്‍ ചെയ്യപ്പെട്ട വീഡിയോയില്‍, വീഡിയോ പകര്‍ത്തുന്ന വ്യക്തി ഒരു ഫോണില്‍ അദാനിയുടെ ചിത്രം പ്രദര്‍ശിപ്പിക്കുന്നതും അതിനു തൊട്ടുമുമ്പില്‍ ചായക്കടക്കാരന്‍ നില്‍ക്കുന്നതുമാണുള്ളത്

'ഗൗതം അദാനിയുടെ സഹോദരന്‍ അന്ധേരി റെയില്‍വേ സ്റ്റേഷന് സമീപം ചാറ്റ് വില്‍ക്കുന്നു. അദാനി ഒരു കോടീശ്വരനാണ്. എന്നിട്ടും അദ്ദേഹത്തിന് സഹോദരനില്‍ നിന്ന് ഒരു സഹായവും ലഭിക്കുന്നില്ല. ദുഃഖകരം' എന്ന അടിക്കുറിപ്പോടെയാണ് വീഡിയോ ഷെയര്‍ ചെയ്തിരിക്കുന്നത്. 

Gautam Adani’s brother sells chaat near Andheri railway station, while Gautam is a billionaire. Yet, he gets no help from his brother. Sad.😢 pic.twitter.com/RR33GbMbsl

— Jeet Shah (@MostlyMomentum_) March 19, 2025

നിരവധി ഉപയോക്താക്കളാണ് വീഡിയോയുടെ കമന്റ് ബോക്‌സില്‍ ചിരിക്കുന്ന ഇമോജികളുമായി എത്തിയത്. അദാനിയുമായുള്ള ഇയാളുടെ സാമ്യവും അടിക്കുറിപ്പും കണ്ട് അവര്‍ രസിച്ചെന്ന് വ്യക്തം. തമാശക്ക് ഷെയര്‍ ചെയ്ത വീഡിയോയുടെ ആധികാരികത ഉറപ്പാകകാനും ചിലര്‍ തുനിഞ്ഞു. എഐയില്‍ പ്രവര്‍ത്തിക്കുന്ന ഫാക്ട് ചെക്കിംഗ് ടൂളായ ഗ്രോക്കില്‍ തിരിഞ്ഞപ്പോള്‍, ഈ ചായക്കടക്കാരന് ഗൗതം അദാനിയുമായി ബന്ധമില്ലെന്ന് കണ്ടെത്തി. 

ഊര്‍ജ്ജം, ലോജിസ്റ്റിക്‌സ്, അഗ്രോബിസിനസ്, റിയല്‍ എസ്റ്റേറ്റ്, സാമ്പത്തിക സേവനങ്ങള്‍, പ്രതിരോധം തുടങ്ങിയ മേഖലകളില്‍ പ്രവര്‍ത്തിക്കുന്ന ഒരു ബഹുരാഷ്ട്ര കൂട്ടായ്മയായ അദാനി ഗ്രൂപ്പിന്റെ സ്ഥാപകനും ചെയര്‍മാനുമാണ് ഗൗതം അദാനി.

ടെക് മുതലാളി ഇലോണ്‍ മസ്‌കിനോട് സാമ്യമുള്ള ഒരു പാകിസ്താന്‍ പൗരന്‍ സുഹൃത്തുക്കളോടൊപ്പം ഭക്ഷണം ആസ്വദിക്കുന്ന വീഡിയോ അടുത്തിടെ വ്യാപകമായി പ്രചരിച്ചിരുന്നു.

മസ്‌കിനോടുള്ള അസാധാരണമായ സാമ്യം കൊണ്ടാണ് പാകിസ്താന്‍കാരനായ ഇയാള്‍ ഇന്റര്‍നെറ്റിന്റെ ശ്രദ്ധ പിടിച്ചുപറ്റിയത്. അതേസമയം ഇയാള്‍ ഭക്ഷണം കഴിക്കുമ്പോള്‍ ഇയാളുടെ ഒരു സുഹൃത്ത് പാഷ്‌തോയില്‍ 'ഇലോണ്‍ മസ്‌ക്' എന്ന് തമാശയായി പറയുന്നതു കേള്‍ക്കാം. 

Man’s Video Goes Viral for Uncanny Resemblance to Business Tycoon Adani