റിയാദ്: റമദാനിലെ അവസാന പത്തു ദിവസങ്ങളിലെ റൗളാ ശരീഫിലെ സമയക്രമം പ്രഖ്യാപിച്ച് സഊദി അറേബ്യ. ഇരുഹറമുകളുടെയും പരിപാലനത്തിനായുള്ള ജനറല്‍ അതോറിറ്റിയുടെ കണക്കനുസരിച്ച്, പുരുഷന്മാര്‍ക്കുള്ള സന്ദര്‍ശന സമയം മൂന്നു സമയങ്ങളിലായാണ് ക്രമീകരിച്ചിരിക്കുന്നത്.

രാവിലെ 11:20 മുതല്‍ രാത്രി 8 വരെയും രാത്രി 11 മുതല്‍ 12 വരെയും പുലര്‍ച്ചെ 2 മുതല്‍ പുലര്‍ച്ചെ 5 വരെയുമാണ് പുരുഷന്മാര്‍ക്കായി സമയം ക്രമീകരിച്ചിട്ടുള്ളത്. ദിവസവും രാവിലെ 6 മുതല്‍ 11 മണി വരെയാണ് സ്ത്രീകള്‍ക്കുള്ള സന്ദര്‍ശന സമയമായി നിശ്ചയിച്ചിട്ടുള്ളത്.

ലൈലത്തുല്‍ ഖദ്റില്‍ തീര്‍ത്ഥാടകരുടെ എണ്ണം നിയന്ത്രിക്കാന്‍ ഈ സമയ ക്രമീകരണം സഹായിക്കുമെന്നാണ് കരുതുന്നത്. ഇത് സുഗമവും സുരക്ഷിതവുമായ ആത്മീയാനുഭവം ഉറപ്പാക്കുന്നു. സന്ദര്‍ശകര്‍ നുസുക് ആപ്പ് വഴി അവരുടെ സന്ദര്‍ശനാനുമതി മുന്‍കൂട്ടി ബുക്ക് ചെയ്യണം. ഉംറ നിര്‍വഹിച്ച ശേഷം നിരവധി മുസ്‌ലിംകള്‍ മദീനയിലെ പ്രവാചകന്റെ പള്ളിയില്‍ പ്രാര്‍ത്ഥിക്കാനും റൗള സന്ദര്‍ശിക്കാനും എത്താറുണ്ട്.

Saudi Arabia has announced specific visiting hours for Rawda during the last ten days of Ramadan, allowing pilgrims to pay their respects and engage in prayers. These timings are part of efforts to manage large crowds.