തിരുവനന്തപുരം: സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക് ഒരു ഗഡു, പെൻഷൻ കൂടി അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. 60 ലക്ഷത്തിലധികം പേർക്ക് ഓരോരുത്തർക്കും 1600 രൂപ വീതം ലഭിക്കും. വ്യാഴാഴ്ച മുതൽ പെൻഷൻ തുക ഗുണഭോക്താക്കൾക്ക് കൈമാറിത്തുടങ്ങും.

26 ലക്ഷത്തിലധികം പേർക്ക് ബാങ്ക് അക്കൗണ്ട് വഴി തുക ലഭിക്കും. ബാക്കിയുള്ളവർക്ക് സഹകരണ ബാങ്കുകൾ മുഖേന വീടുകളിൽ എത്തി പെൻഷൻ വിതരണം ചെയ്യും. ദേശീയ പെൻഷൻ പദ്ധതിയിൽ ഉൾപ്പെട്ട 8,46,456 പേർക്ക് കേന്ദ്ര സർക്കാർ നൽകേണ്ട വിഹിതവും സംസ്ഥാനം മുൻകൂറായി അനുവദിച്ചിട്ടുണ്ട്. ഇതിനായി 24.31 കോടി രൂപ വകയിരുത്തിയിട്ടുണ്ട്. ഈ തുക കേന്ദ്ര സർക്കാരിന്റെ പിഎഫ്എംഎസ് സംവിധാനം വഴി ഗുണഭോക്താക്കളുടെ ബാങ്ക് അക്കൗണ്ടുകളിൽ നേരിട്ട് ക്രഡിറ്റ് ചെയ്യും.

he Kerala government has sanctioned an additional installment of welfare pensions, bringing relief to over 60 lakh beneficiaries with Rs. 1600 each starting from Thursday.