വാഷിംഗ്ടൺ:ഡെമോക്രാറ്റിക് എതിരാളികളായ കമല ഹാരിസ്,  ഹിലരി ക്ലിൻട്ടൻ എന്നിവരടക്കമുള്ള നിരവധി മുൻ ഉന്നത ഉദ്യോഗസ്ഥരുടെ സുരക്ഷാ അനുമതികൾ റദ്ദാക്കി യുഎസ് പ്രസിഡന്‍റ്  ഡോണൾഡ് ട്രംപ്. ദേശീയ താൽപ്പര്യത്തിന് ഇത് ഉചിതമല്ലെന്ന പരിഗണനയിലാണ് തീരുമാനം എന്ന് ട്രംപ് വ്യക്തമാക്കി.

ഫെബ്രുവരിയിൽ തന്നെ മുൻ പ്രസിഡൻറ് ജോ ബൈഡന്റെ സുരക്ഷാ അനുമതി റദ്ദാക്കുമെന്ന് ട്രംപ് പ്രഖ്യാപിച്ചിരുന്നു. ഇതിന് പുറമേ, ബൈഡൻ കുടുംബത്തിലെ മറ്റ് ഏതെങ്കിലും അംഗത്തിൻ്റെയും സുരക്ഷാ അനുമതി ഒഴിവാക്കുമെന്ന് അദ്ദേഹം വ്യക്തമാക്കിയിരുന്നു.

സാധാരണയായി മുൻ പ്രസിഡൻ്റുമാരും ഉന്നത ഉദ്യോഗസ്ഥരും മര്യാദയുടെ ഭാഗമായി അവരുടെ സുരക്ഷാ അനുമതി നിലനിർത്താറുണ്ടെങ്കിലും, ഈ വിഭാഗത്തിൽ പെടുന്ന ആന്‍റണി ബ്ലിങ്കെൻ,  ലിസ് ചെനി, ആദം കിൻസിംഗർ, ഫിയോണ ഹില്ലും തുടങ്ങിയവരുടേയും സുരക്ഷാ അനുമതി ട്രംപ് റദ്ദാക്കി.

അതോടൊപ്പം,ജേക്ക് സള്ളിവൻ, ലിസ മൊണാക്കോ, മാർക്ക് സെയ്ദ്, നോർമൻ ഐസൻ, ലെറ്റിഷ്യ ജെയിംസ്, ആൽവിൻ ബ്രാഗ്, ആൻഡ്രൂ വെയ്സ്മാൻ, അലക്സാണ്ടർ വിൻഡ്മാൻ എന്നിവരുടെയും അനുമതി റദ്ദാക്കിയതായി റിപ്പോർട്ടുണ്ട്. 2020-ലെ തെരഞ്ഞെടുപ്പിൽ ബൈഡന് അനുകൂലമായി ഇടപെട്ടുവെന്നാരോപിച്ച്, നാല്പതിലധികം മുൻ രഹസ്യാന്വേഷണ ഉദ്യോഗസ്ഥരുടെ അനുമതികൾ നേരത്തെ ട്രംപ് റദ്ദാക്കിയിരുന്നു.

U.S. President Donald Trump has revoked the security clearances of Vice President Kamala Harris, former Secretary of State Hillary Clinton, and several other former high-ranking officials, citing national interest concerns. This follows his earlier decision to revoke former President Joe Biden’s security clearance.