പാലക്കാട്: വാളയാറിൽ എംഡിഎംഎ ലഹരിമരുന്നുമായി അമ്മയും മകനും സുഹൃത്തുക്കളും എക്സൈസിന്റെ പിടിയിലായി. തൃശൂർ സ്വദേശി അശ്വതി (46), മകൻ ഷോൺ സണ്ണി (21), കോഴിക്കോട് എലത്തൂർ സ്വദേശികളായ പി. മൃദുൽ (29), അശ്വിൻ ലാൽ (26) എന്നിവരാണ് പിടിയിലായത്. വിൽപനയ്ക്കായി കാറിൽ കൊണ്ടുവന്ന 10.12 ഗ്രാം എംഡിഎംഎ എക്സൈസ് സംഘം പിടികൂടി.

ബംഗളൂരുവിൽ നിന്ന് കൊണ്ടുവന്ന ലഹരിമരുന്ന് വാളയാർ ചെക്ക്പോസ്റ്റിൽ വെച്ച് എക്സൈസ് പിടികൂടുകയായിരുന്നു. പ്രതികളുടെ കാറിൽ മയക്കുമരുന്ന് ഗുളികകളും, സിറിഞ്ചുകളും കണ്ടെത്തിയതായി അധികൃതർ അറിയിച്ചു. അശ്വതിയും മകനും തൃശൂർ സ്വദേശികളാണെങ്കിലും എറണാകുളത്താണ് താമസച്ചിരുന്നത്. ഇവർ എറണാകുളത്ത് വിൽപനയ്ക്കായി ബംഗളൂരുവിൽ നിന്ന് ലഹരിമരുന്ന് എത്തിച്ചതായി എക്സൈസ് വിശദീകരിച്ചു. പ്രതികൾ സഞ്ചരിച്ച കാറും അധികൃതർ കസ്റ്റഡിയിലെടുത്തു.

Excise officials arrested a mother, her son, and two others in Walayar with 10.12 grams of MDMA. The accused are Ashwathi (46) and her son Shaun Sunny (21) from Thrissur, along with P. Mridul (29) and Ashwin Lal (26) from Kozhikode. The drugs were seized from their car at the Walayar check post.