കൊച്ചി: സ്വര്‍ണം വാങ്ങാന്‍ ആഗ്രഹിക്കുന്ന ഉപഭോക്താക്കള്‍ക്ക് ഇതാ സന്തോഷ വാര്‍ത്ത. കേരളത്തില്‍ സ്വര്‍ണവില തുടര്‍ച്ചയായ നാലാം ദിവസവും ഇടിഞ്ഞിരിക്കുന്നു. ഒന്നും രണ്ടുമല്ല. നാലുദിവസത്തിനിടെ കുറഞ്ഞത് ആയിരം രൂപയാണ്. നാലു ദിവസം മുമ്പ് റെക്കോര്‍ഡ് വിലയായിരുന്നു പവന്‍ സ്വര്‍ണത്തിന്. ഇന്ത്യന്‍ രൂപയുടെ മൂല്യം കൂടിയതാണ് സ്വര്‍ണവില കുറയാനുള്ള കാരണമെന്നാണ് നിരീക്ഷകര്‍ പറയുന്നത്. ആഗോള വിപണിയിലെ സ്വര്‍ണവിലയിലും ഇന്ന് നേരിയ വിലക്കുറവുണ്ടായിട്ടുണ്ട്. ഇതും കേരളത്തിലെ വിലയെ സ്വാധീനിക്കുന്നു. ഡോളര്‍ സൂചിക ഉയരുന്നതും സ്വര്‍ണ വില കുറയാനുള്ള കാരണമായി നിരീക്ഷകര്‍ പറയുന്നു. സ്വര്‍ണത്തിന് വലിയ വിലക്കയറ്റമുണ്ടാവുമ്പോള്‍ വിറ്റ് പണമാക്കാനിറങ്ങുന്നവരുമുണ്ടാകും. പഴയ സ്വര്‍ണത്തിന്റെ വരവ് കൂടുന്നത് പുതിയ സ്വര്‍ണത്തിന്റെ ഇറക്കുമതിയെ ബാധിക്കും. ഇതും വിലക്കുറവിന് കാരണമാകുമെന്ന് വിദഗ്ധര്‍ ചൂണ്ടിക്കാട്ടുന്നു. 

 

 അതേസമയം, വിലക്കുറവ് വരും ദിവസങ്ങളില്‍ തുടരുമെന്ന കാര്യത്തില്‍ ഉറപ്പൊന്നും പറയാനാവില്ലെന്നും വിപണി നിരീക്ഷകര്‍ വ്യക്തമാക്കുന്നു. മാത്രമല്ല, രൂപയുടെ മൂല്യം ഇടിയുന്ന സാഹചര്യമുണ്ടായാല്‍ സ്വര്‍ണ വില കുതിച്ചുയരുമെന്ന മുന്നറിയിപ്പും വിദഗ്ധര്‍ നല്‍കുന്നുണ്ട്. വെള്ളിയുടെ വിലയിലും ഇന്ന് ഇടിവുണ്ടായിട്ടുണ്ട്.

 

കേരളത്തില്‍ ഇന്ന് 22 കാരറ്റ് സ്വര്‍ണത്തിന് പവന് 120 രൂപയായിരുന്നു ഇന്നലെ കുറഞ്ഞത്. ഇന്ന് 240 രൂപയുടെ കുറവുണ്ട്. ഇന്നലെ 65,720 രൂപയായിരുന്ന പവന് ഇന്ന് 65,480 രൂപയാണ്. ഗ്രാമിന് 15 രൂപ കൂടി 8,215 രൂപയായിരുന്നു ഇന്നലെ. ഇന്ന് 8,185 രൂപയാണ് ഗ്രാമിന്. 18 കാരറ്റ് സ്വര്‍ണത്തിന് ഗ്രാമിന് ഇന്നലെ 120 രൂപ കുറഞ്ഞ് 6722 രൂപയായിരുന്നു വില. പവനാകട്ടെ 96 രൂപ കുറഞ്ഞ് 53,776 രൂപയായിരുന്നു. 18 കാരറ്റിന് 200 രൂപയാണ് കുറഞ്ഞത്. 53,576 രൂപയാണ് പവന്റെ വില. ഗ്രാമിന് 25 രൂപ കുറഞ്ഞ് 6,697 രൂപയാണ് ഇന്നത്തെ വില. 

 

24 കാരറ്റ് സ്വര്‍ണത്തിന് പവന് 128 രൂപയാണ് ഇന്നലെ കുറഞ്ഞത്. 71,696 രൂപയായിരുന്നു 24 കാരറ്റ് സ്വര്‍ണം പവന് നല്‍കേണ്ടിയിരുന്നത്. ഗ്രാമിന് 16 രൂപ കുറഞ്ഞ് 8,962 രൂപയുമായി. ഇന്ന് 71,432 രൂപ നല്‍കിയാല്‍ മതി 24 കാരറ്റ് ഒരു പവന്. 264 രൂപയാണ് കുറഞ്ഞത്. ഗ്രാമിന് 33 രൂപ കുറഞ്ഞ് 8,929 രൂപയായി.

 

ആഗോള വിപണിയില്‍ സ്വര്‍ണം ഔണ്‍സിന് 3015 ഡോളറാണ് പുതിയ നിരക്കെന്ന് റിപ്പോര്‍ട്ടുകള്‍ സൂചിപ്പിക്കുന്നു. വ്യാപാരം തുടരുന്നതിനാല്‍ ഇതില്‍ മാറ്റം വന്നേക്കും. 

 

സ്വര്‍ണ വില തീര്‍ത്തും അസ്ഥിരമായി തുടരുന്ന സാഹചര്യത്തില്‍ ആവശ്യക്കാര്‍ക്ക് അഡ്വാന്‍സ് ബുക്കിങ് ഒരു നല്ല മാര്‍ഗമാണ്. വാങ്ങാന്‍ താല്‍പര്യമുള്ളവര്‍ക്ക് നമ്മുടെ നാട്ടിലെ മിക്ക ജ്വല്ലറികളും ഈ സൗകര്യം അനുവദിക്കുന്നുണ്ട്. ഭാവിയില്‍ വില കൂടിയാലും പേടിക്കാനില്ലെന്നതാണ് ഇതിന്റെ ഗുണം. വില കൂടിയാല്‍ നാം ബുക്ക് ചെയ്യുമ്പോഴുള്ള വിലക്കും കുറഞ്ഞാല്‍ കുറഞ്ഞ വിലക്കും സ്വര്‍ണം ലഭിക്കുന്നു എന്നതാണ് അഡ്വാന്‍സ് ബുക്കിങ്ങിന്റെ ആകര്‍ഷണം. ആവശ്യമുള്ള സ്വര്‍ണത്തിന്റെ മുഴുവന്‍ തുക നല്‍കിയോ അതല്ല നിശ്ചിത ശതമാനം നല്‍കിയോ നമുക്ക് ബുക്ക് ചെയ്യാം. മുഴുവന്‍ തുകയും നല്‍കുന്നവര്‍ക്ക് ഒരു വര്‍ഷം വരെ കാലാവധിയുണ്ടാകും. അല്ലാത്തവര്‍ക്ക് ആറുമാസം വരെയാണ് സാധാരണ അനുവദിക്കുന്ന കാലാവധി.

 

66480 രൂപയാണ് ഈ മാസം കേരളത്തില്‍ ഒരു പവന്‍ സ്വര്‍ണത്തിന് രേഖപ്പെടുത്തിയ ഏറ്റവും ഉയര്‍ന്ന നിരക്ക്. റെക്കോര്ഡ് വിലയാണ് അത്. ഇന്നത്തെ വിലയുമായി ഒത്ത് നോക്കിയാല്‍ 760 രൂപയുടെ വ്യത്യാസമാണ് വരുന്നത്. ഈ മാസം രേഖപ്പെടുത്തിയ കുറഞ്ഞ നിരക്കാകട്ടെ 63520 രൂപയാണ്.

 

 

Date Price of 1 Pavan Gold (Rs.)

1-Mar-25 Rs. 63,520(Lowest of Month)

2-Mar-25 Rs. 63,520(Lowest of Month)

3-Mar-25 Rs. 63,520(Lowest of Month)

4-Mar-25 64080

5-Mar-25 64520

6-Mar-25 64160

7-Mar-25 63920

8-Mar-25 64320

9-Mar-25 64320

10-Mar-25 64400

11-Mar-25 64160

12-Mar-25

Gold trading platform

64520

13-Mar-25 64960

14-Mar-25 65840

15-Mar-25 65760

16-Mar-25 65760

17-Mar-25 65680

18-Mar-25 66000

19-Mar-25 66320

20-Mar-25 Rs. 66,480(Highest of Month)

21-Mar-25 66160

22-Mar-25 65840

23-march-25 65840

24-Mar-25
Yesterday  65720