ദുബൈ: സഊദി ഓവർസൈറ്റ് ആന്റി-കറപ്ഷൻ അതോറിറ്റി (നസാഹ) മാർച്ച് മാസത്തിൽ നടത്തിയ അഴിമതി വിരുദ്ധ ക്യാംപെയ്നിൽ 82 സർക്കാർ ഉദ്യോഗസ്ഥരെ അറസ്റ്റ് ചെയ്തു. സർക്കാർ ഓഫിസുകളിലും സ്വകാര്യ സ്ഥാപനങ്ങളിലും നടത്തിയ 1,453 പരിശോധനകൾക്ക് ശേഷമാണ് അറസ്റ്റെന്ന് അതോറിറ്റി എക്സ് അക്കൗണ്ടിലൂടെ അറിയിച്ചു. 

ആഭ്യന്തര മന്ത്രാലയം, പ്രതിരോധ മന്ത്രാലയം, ആരോഗ്യ മന്ത്രാലയം, മാനവ വിഭവശേഷി, സാമൂഹിക വികസന മന്ത്രാലയം, മുനിസിപ്പൽ, ഗ്രാമകാര്യ, ഭവന മന്ത്രാലയം, സകാത്ത്, നികുതി, കസ്റ്റംസ് അതോറിറ്റി തുടങ്ങിയ വിവിധ സർക്കാർ സ്ഥാപനങ്ങളിൽ നിന്നുള്ള സംശയിക്കപ്പെടുന്ന 313 ഉദ്യോ​ഗസ്ഥരെക്കുറിച്ച് നസാഹ അന്വേഷണം നടത്തി. ഈ അന്വേഷണം കൈക്കൂലി, വഞ്ചന, അധികാര ദുർവിനിയോഗം തുടങ്ങിയ കുറ്റങ്ങൾ ചെയ്തെന്ന് കണ്ടെത്തിയ ഉദ്യോ​ഗസ്ഥരുടെ അറസ്റ്റിലേക്ക് നയിച്ചു.

പൊതു ഫണ്ട് ദുരുപയോഗം ചെയ്യുന്നതും, വ്യക്തിപരമായ നേട്ടങ്ങൾക്കായി ഔദ്യോഗിക സ്ഥാനങ്ങൾ ദുരുപയോ​ഗം ചെയ്യുന്നതും കണ്ടെത്താനായി പരിശോധനകൾ ശക്തമാക്കുന്നതിനുള്ള പ്രതിബദ്ധത അതോറിറ്റി വ്യക്തമാക്കി. അന്വേഷണത്തിൽ അഴിമതിക്കാരാണെന്ന് കണ്ടെത്തിയ ഉദ്യോ​ഗസ്ഥർ വിരമിച്ചാലും സ്ഥാനം രാജിവച്ചാലും നിയമപരമായ പ്രത്യാഘാതങ്ങൾ നേരിടേണ്ടിവരുമെന്ന് അതോറിറ്റി മുന്നറിയിപ്പ് നൽകി.

Saudi Arabia's Oversight and Anti-Corruption Authority (Nazaha) arrests 82 government officials in March, targeting bribery, embezzlement, and abuse of power. Over 1,453 inspections conducted—proving even resignation won’t protect corrupt officials from legal action. #SaudiAntiCorruption