മോസ്കോ: റഷ്യൻ പ്രസിഡന്റ് വ്ളാഡിമിർ പുടിൻ ഉടൻ മരിക്കുമെന്ന വിവാദ പരാമർശവുമായി യുക്രൈൻ പ്രസിഡന്റ് വൊളോഡിമിർ സെലൻസ്കി. പുടിന്റെ ആരോഗ്യത്തെക്കുറിച്ചുള്ള അഭ്യൂഹങ്ങൾ വ്യാപകമാകുന്ന സമയത്താണ് സെലൻസ്കിയുടെ പ്രസ്താവന. മൂന്ന് വർഷമായി തുടരുന്ന യുദ്ധം, പുടിൻ മരിച്ചാൽ അവസാനിക്കൂമെന്നും അദ്ദേഹം പറഞ്ഞു.

ഫ്രഞ്ച് മാധ്യമത്തിന് നൽകിയ അഭിമുഖത്തിലാണ് സെലൻസ്കി ഈ പരാമർശം നടത്തിയത്. ഫ്രഞ്ച് പ്രസിഡന്റ് ഇമ്മാനുവൽ മക്രോണുമായുള്ള കൂടിക്കാഴ്ചയ്ക്കു ശേഷമായിരുന്നു പ്രസ്താവന. കഴിഞ്ഞ മാസങ്ങളായി പൊതുവേദികളിൽ പ്രത്യക്ഷപ്പെടുന്ന പുടിൻ തളർന്ന നിലയിലാണെന്നും, കൈകാലുകൾ വിറയ്ക്കുകയും ചുമയ്ക്കുകയും ചെയ്യുന്നുണ്ടെന്ന റിപ്പോർട്ടുകൾ യൂറോപ്യൻ മാധ്യമങ്ങൾ പുറത്തുവിട്ടിരുന്നു.

അതേസമയം, പുടിന്റെ ആരോഗ്യസ്ഥിതിയെക്കുറിച്ച് റഷ്യൻ സർക്കാരോ ക്രെംലിനോ ഔദ്യോഗികമായി പ്രതികരിച്ചിട്ടില്ല. യുക്രൈൻ-റഷ്യ യുദ്ധം അവസാനിപ്പിക്കാൻ അമേരിക്കയും മറ്റ് രാജ്യങ്ങളും ഇടപെടുന്നതിനിടെയാണ് സെലൻസ്കിയുടെ ഈ പരാമർശം പുറത്തുവന്നത്.

Ukrainian President Volodymyr Zelensky made a controversial statement, claiming that Russian President Vladimir Putin will die soon and only then will the war end. He made the remark during an interview with a French media outlet amid ongoing speculation about Putin’s health. Meanwhile, Russia has not officially commented on these claims. The statement comes as the U.S. and other nations push for an end to the Ukraine-Russia war.