ചെന്നൈ: മുതിര്‍ന്ന നേതാവും പോളിറ്റ് ബ്യൂറോ അംഗവും മുന്‍ മന്ത്രിയുമായ എംഎ ബേബി സി.പി.എം ജനറല്‍ സെക്രട്ടറി. ശുപാര്‍ശ പോളിറ്റ് ബ്യൂറോ അംഗീകരിച്ചു. പുതി കേന്ദ്ര കമ്മിറ്റി യോഗത്തിന് ശേഷമായിരിക്കും പ്രഖ്യാപനം. ഇ.എം.എസ് നമ്പൂതിരിപ്പാടിന് ശേഷം പദവിയിലെത്തുന്ന ആദ്യ മലയാളിയാവും ഇതോടെ എം.എ ബേബി. ബേബിയെ എതിര്‍ത്തിരുന്ന ബംഗാള്‍ ഘടകം പിന്മാറി. കേന്ദ്രകമ്മിറ്റിയില്‍ ബംഗാള്‍സ ഘടകം വിയോജിപ്പറിയിക്കില്ല.  

പാര്‍ട്ടി കേന്ദ്രകമ്മിറ്റി അംഗങ്ങള്‍, പൊളിറ്റ് ബ്യൂറോ അംഗങ്ങള്‍ എന്നിവരെയും ഇന്ന് സമ്മേളനം നിശ്ചയിക്കും.  പി.ബി അംഗങ്ങളായ അശോക് ധാവ്ളെ, ബി.വി രാഘവലു എന്നിവരുടെ പേരുകളും സജീവമായ പരിഗണിനയിലുണ്ടായിരുന്നു. അതേസമയം, ജനറല്‍ സെക്രട്ടറി സ്ഥാനത്തേക്ക് മത്സരമുണ്ടാവില്ലെന്നും പാര്‍ട്ടി വൃത്തങ്ങള്‍ സൂചന നല്‍കിയിരുന്നു. 

അതേസമയം, ദീര്‍ഘകാലമായി ഡല്‍ഹി കേന്ദ്രീകരിച്ച് പ്രവര്‍ത്തിക്കുന്ന നേതാവാണ് എം.എ ബേബി. പാര്‍ലമെന്ററി പരിചയവും സംഘടനാ തലത്തിലെ മികവും ബേബിക്ക് അനുകൂലമായി. തമിഴ്നാട്, കര്‍ണാടക, രാജസ്ഥാന്‍ തുടങ്ങിയ സംസ്ഥാനങ്ങളില്‍ നിന്നുള്ള നേതാക്കള്‍ ബേബിയെ ജനറല്‍ സെക്രട്ടറിയാക്കണമെന്ന അഭിപ്രായപ്പെട്ടിരുന്നു.