പാട്ന: ബീഹാറിൽ ശക്തമായ ഇടിമിന്നലിലും കാറ്റിലും ആലിപ്പഴമഴയിലും 13 പേരുടെ ജീവന്‍ നഷ്ടപ്പെട്ടു. ബേഗുസരായ്, ദര്‍ഭംഗ, മധുബനി, സമസ്തിപൂര്‍ എന്നീ നാല് ജില്ലകളിലായാണ് മരണങ്ങള്‍ റിപ്പോര്‍ട്ട് ചെയ്തത്. ഒരേ ദിവസം നാലു ജില്ലകളിലായി ഉണ്ടായ മിന്നല്‍ ദുരന്തം സംസ്ഥാനത്തെ വിഷാദത്തിലാഴ്ത്തിയിരിക്കുകയാണ്.

ജില്ലകൾ പരിശോധിക്കുമ്പോള്‍, ബെഗുസരായില്‍ 5 പേര്‍, ദര്‍ഭംഗയില്‍ 4 പേര്‍, മധുബനിയില്‍ 3 പേര്‍, സമസ്തിപൂരില്‍ ഒരാള്‍ എന്നിങ്ങനെയാണ് മരണ സംഖ്യ. ശക്തമായ കാറ്റും ആലിപ്പഴ മഴയും അനുബന്ധമായി ഉണ്ടായതോടെ മിന്നൽ  വളരെ വേഗത്തിൽ വ്യാപിച്ചു.

സംഭവത്തില്‍ അനുശോചനം രേഖപ്പെടുത്തി മുഖ്യമന്ത്രി നിതീഷ് കുമാര്‍ പ്രസ്താവിച്ചു, മരിച്ചവരുടെ കുടുംബാംഗങ്ങള്‍ക്ക്  4 ലക്ഷം രൂപ വീതം ധനസഹായം അനുവദിക്കുമെന്നും അറിയിച്ചു.

മഴയും കാറ്റും അടങ്ങിയ മോശം കാലാവസ്ഥയ്ക്കിടയില്‍ ജനം അതീവ ജാഗ്രത പാലിക്കണമെന്നും, ദുരന്തനിവാരണ വകുപ്പ് നല്‍കുന്ന മാര്‍ഗനിര്‍ദേശങ്ങള്‍ പാലിച്ച് വീടുകളില്‍ തന്നെ സുരക്ഷിതമായി തുടരണമെന്നും അദ്ദേഹം ആവശ്യപ്പെട്ടു.

2024-25ലെ ബിഹാര്‍ സാമ്പത്തിക സര്‍വേ റിപ്പോര്‍ട്ടില്‍ പ്രകാരം, 2023ല്‍ മാത്രം സംസ്ഥാനത്ത് ഇടിമിന്നലേറ്റ് 275 പേര്‍ ജീവന്‍ നഷ്ടപ്പെട്ടതായി രേഖപ്പെടുത്തിയിട്ടുണ്ട്. ഈ കണക്കുകള്‍ പ്രകാരമുള്ള പുതിയ സംഭവ വികാസങ്ങൾ ജനങ്ങള്‍ക്കിടയില്‍ വലിയ ആശങ്ക സൃഷ്ടിച്ചിരിക്കുകയാണ്.

 Thunderstorms accompanied by heavy rain and strong winds wreaked havoc across Bihar, claiming 13 lives in a single day across four districts — Begusarai (5), Darbhanga (4), Madhubani (3), and Samastipur (1). The lightning strikes caused widespread panic and damage.Chief Minister Nitish Kumar expressed deep condolences and announced ₹4 lakh compensation for the families of each deceased. He urged people to remain indoors during extreme weather and follow safety advisories from disaster management authorities.