തൊടുപുഴ: ഇടുക്കിയില്‍ ഒരു കുടുംബത്തിലെ നാലു പേർ ആത്മഹത്യ ചെയ്ത സംഭവത്തിന് കാരണം സാമ്പത്തിക ബാധ്യതയെന്ന് പൊലിസ്. ഇന്നു വൈകീട്ടായിരുന്നു ഇവരെ തൂങ്ങി മരിച്ച നിലയില്‍ കണ്ടെത്തിയത്. ഇടുക്കി ഉപ്പുതുറയിലാണ് സംഭവം. ഉപ്പുതുറ സ്വദേശികളായ സജീവ് മോഹന്‍, ഭാര്യ രേഷ്മ, ഇവരുടെ ആറും നാലും വയസ്സുള്ള കുട്ടികളുമാണ് മരിച്ചത്. 

വൈകിട്ട് നാലരയോടെയാണ് അമ്മ സുലോചന വീട്ടിൽ എത്തിയത്. എന്നാൽ വാതിൽ അടഞ്ഞുകിടക്കുകയായിരുന്നു. കുറേ തവണ മുട്ടി വിളിച്ചിട്ടും വാതിൽ തുറന്നില്ല. തുടര്‍ന്ന് അയൽവാസിയുടെ സഹായത്തോടെ വാതിൽ പൊളിച്ചാണ് വീട്ടിലേക്ക് കയറിയത്. അകത്ത് കടന്ന് നോക്കിയപ്പോൾ ഹാളിൽ നാലുപേരെയും തൂങ്ങിക്കിടക്കുന്ന നിലയിൽ കണ്ടെത്തുകയായിരുന്നു.

ആത്മഹത്യക്ക് കാരണം കടബാധ്യതയാണെന്നാണ് പൊലിസിന്റെ പ്രാഥമിക നിഗമനം. ഓട്ടോറിക്ഷയ്ക്ക് എടുത്തിട്ടുള്ള വായ്പയുമായി ബന്ധപ്പെട്ട് സ്വകാര്യ ധനകാര്യ സ്ഥാപനത്തിന്റെ ഭീഷണി ഉണ്ടായിരുന്നതായി മരിച്ച സജീവിന്റെ പിതാവ് ആരോപിച്ചു.

 കട്ടപ്പനയിൽ പ്രവർത്തിക്കുന്ന ഒരു ധനകാര്യ സ്ഥാപനമാണ് മരണത്തിന് കാരണമെന്നും മറ്റാർക്കും ഇതുമായി ബന്ധമില്ലെന്നും പറയുന്ന ആത്മഹത്യക്കുറിപ്പ് ലഭിച്ചെന്ന് ജില്ലാ പൊലിസ് മേധാവി ടി.കെ. വിഷ്ണു പ്രദീപ് വ്യക്തമാക്കി.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക.  ടോള്‍ ഫ്രീ നമ്പര്‍:  Toll free helpline number: 1056, 0471-2552056)

The police have found a suicide note at the scene of a family's tragic death in Idukki, indicating that debt was a major factor behind their decision. The investigation is ongoing, with authorities working to understand the circumstances surrounding the incident