ദുബൈ: ഇന്ത്യൻ പൗരന്മാർക്ക് ഇനി മുതൽ വിവാഹ സർട്ടിഫിക്കറ്റ് ഇല്ലാതെ തന്നെ പങ്കാളിയുടെ പേര് പാസ്പോർട്ടിൽ ചേർക്കാൻ സാധിക്കും. ഇതിനായി ഒരു പുതിയ സംവിധാനം അവതരിപ്പിച്ചിരിക്കുകയാണ് വിദേശകാര്യ മന്ത്രാലയം (MEA). ഇതിനായി അപേക്ഷകർ 'അനെക്സർ J' എന്നറിയപ്പെടുന്ന സ്വയം സാക്ഷ്യപ്പെടുത്തിയ ഒരു ഫോട്ടോ അഫിഡേവിറ്റ് സമർപ്പിക്കണം.

അനെക്സർ J 

അനെക്സർ J എന്നത് ദമ്പതികൾ ഒരുമിച്ച് ഒപ്പിട്ട് സമർപ്പിക്കുന്ന ഒരു പ്രസ്താവനയാണ്, അതിൽ അവർ വിവാഹിതരാണെന്ന് സ്ഥിരീകരിക്കുന്നു. ഇതിൽ പ്രധാനമായും ഇക്കാര്യങ്ങൽ ഉൾപ്പെട്ടിരിക്കണം.

1) ദമ്പതികൾ സ്വയം സാക്ഷ്യപ്പെടുത്തിയ ഒരു ഫോട്ടോ

2) പൂർണ്ണമായ പേര്, മേൽ വിലാസം, വൈവാഹിക നില

3) ആധാർ നമ്പർ, വോട്ടർ ഐഡി, പാസ്പോർട്ട് നമ്പർ

4) തീയതി, സ്ഥലം, ഇരുവരുടെയും ഒപ്പുകൾ

പാസ്പോർട്ടിൽ നിന്ന് പങ്കാളിയുടെ പേര് നീക്കംചെയ്യാനോ പുതുക്കാനോ ഉള്ള നിയമങ്ങൾ

പാസ്പോർട്ടിൽ പങ്കാളിയുടെ പേര് നീക്കംചെയ്യാനോ മാറ്റം വരുത്താനോ ആഗ്രഹിക്കുന്ന അപേക്ഷകർ ഇനിമുതൽ താഴെക്കൊടുത്തിരിക്കുന്ന രേഖകളിൽ ഏതെങ്കിലും സമർപ്പിക്കേണ്ടതുണ്ട്:

1) വിവാഹമോചന ഉത്തരവ്

2) ഭാര്യ/ഭർത്താവിന്റെ മരണ സർട്ടിഫിക്കറ്റ്

3) പുനർവിവാഹ സർട്ടിഫിക്കറ്റ്

4) അനെക്സർ J 

ഇന്ത്യയിലുടനീളം പാസ്പോർട്ട് സംബന്ധിച്ച നടപടിക്രമങ്ങൾ ലളിതമാക്കാനാണ് വിദേശകാര്യ മന്ത്രാലയത്തിന്റെ ഈ പുതിയ പരിഷ്കാരം.

The process of adding a spouse's name to a passport has been simplified. According to the latest guidelines, a marriage certificate is no longer required for this purpose. This change aims to streamline the application process and reduce documentation requirements for individuals seeking to update their passport details.