തിരുവനന്തപുരം:  സംസ്ഥാനത്ത് കഴിഞ്ഞ അഞ്ചു വര്‍ഷത്തിനിടെ ലഹരിവസ്തുക്കളും മദ്യവും ഉപയോഗിച്ച് വാഹനമോടിച്ചുള്ള അപകടങ്ങളുടെ എണ്ണം കൂടുതലെന്ന് റിപോര്‍ട്ട്. 73 പേരുടെ ജീവനാണ് ഇത്തരത്തില്‍ പൊലിഞ്ഞത്.  ലഹരിഉപയോഗിച്ച് വാഹനമോടിച്ച് പിടിച്ചവരുടെ എണ്ണവും വലുതാണ്. 2021 മുതല്‍ ഈ വര്‍ഷം മാര്‍ച്ച് 14 വരെയുള്ള ഗതാഗതവകുപ്പിന്റെ കണക്കുകളാണ് ഇത്. 2021ല്‍ ലഹരി ഉപയോഗം മൂലമുണ്ടായ അപകടം 68ഉം 22ല്‍ ഇത് 165ഉം 23ല്‍ 200 ആണ്. കഴിഞ്ഞവര്‍ഷം 174 അപകടങ്ങളുമാണുണ്ടായത്.

തിരുവനന്തപുരവും എറണാകുളവുമാണ് ലഹരിയുപയോഗ വാഹനാപകടങ്ങളില്‍ മുന്നില്‍ നില്‍ക്കുന്ന നഗരങ്ങള്‍. ഇതുവരെ മരണം 73. 2022ല്‍ മരണ സംഖ്യകൂടിയിരുന്നു. 24 പേര്‍ക്ക് ആണ് ജീവന്‍ നഷ്ടപ്പെട്ടത്. കഴിഞ്ഞ അഞ്ചുവര്‍ഷം ലഹരി ഉപയോഗിച്ച് വാഹനമോടിച്ചതിന് പിടിക്കപ്പെട്ടവരുടെ എണ്ണം മൂന്നര ലക്ഷത്തിനു മുകളിലാണ്. കൊല്ലം റൂറല്‍ മേഖലയിലാണ് കൂടുതല്‍ പേരും പിടിക്കപ്പെട്ടത്. ഇതുവരെ 41,117 പേരാണ് പിടിക്കപ്പെട്ടത്.

തൊട്ടടുത്ത് തന്നെയുള്ളത് എറണാകുളം സിറ്റിയും. 41,108 പേര്‍. ലഹരി ഉപയോഗിച്ച് വാഹനമോടിച്ചതിന് ഏറ്റവും കുറച്ചുപേര്‍ പിടിയിലാത് കണ്ണൂര്‍ റൂറലിലാണ്. ഇവിടെ അഞ്ചുവര്‍ഷത്തിനിടെ പിടിക്കപ്പെട്ടത് 2,125 പേര്‍മാത്രമാണ്. ലഹരി ഉപയോഗിച്ച് വാഹനമോടിച്ചാല്‍ 10,000 രൂപ പിഴയോ ആറുമാസം തടവ്ശിക്ഷയും ലഭിക്കും. വീണ്ടു ംപിടിക്കപ്പെട്ടാല്‍ 15,000 രൂപയും രണ്ടുവര്‍ഷം ത ടവും ലഭിക്കും.