ഹൈദരാബാദ്: തെലങ്കാനയിലെ മുതിർന്ന ഐഎഎസ് ഓഫീസറും ടൂറിസം വകുപ്പ് പ്രിൻസിപ്പൽ സെക്രട്ടറിയുമായ സ്മിത സബർവാൾ എഐ ഉപയോഗിച്ച് നിർമ്മിച്ച ഫോട്ടോ സോഷ്യൽ മീഡിയയിൽ പങ്കുവെച്ചതിനെ തുടർന്ന് പോലീസ് നോട്ടീസ് അയച്ചു. ഹൈദരാബാദിലെ ഗച്ചിബൗളിയിലെ ഭൂനശീകരണം കാണിക്കുന്ന തരത്തിലുള്ള ചിത്രം  സോഷ്യൽ മീഡിയയിൽ പങ്കുവെച്ചതാണ്  വിവാദ കാരണം.

2024 മാർച്ച് 31-നാണ് സ്മിത സബർവാൾ തന്റെ X (മുൻപത്തെ ട്വിറ്റർ) അക്കൗണ്ടിൽ നിന്ന് ഈ ചിത്രം റീട്വീറ്റ് ചെയ്തത്. ഹൈദരാബാദ് യൂണിവേഴ്‌സിറ്റിക്കുള്ളിലെ മഷ്റൂം റോക്കുകൾക്ക് സമീപം ബുൾഡോസറുകൾ നിലത്ത് ഇറങ്ങുന്നതും അതിനു മുന്നിൽ ഒരു മയിലും മാനും നിൽക്കുന്നതുമായ ദൃശ്യമാണ് ചിത്രത്തിൽ ഉൾപ്പെട്ടിരുന്നത്

പക്ഷേ, ഈ ചിത്രം എഐ (ആർട്ടിഫിഷ്യൽ ഇന്റലിജൻസ്) ടൂൾ ഉപയോഗിച്ചാണ് നിർമ്മിച്ചത് എന്ന് പിന്നീട് വ്യക്തമായി. ചിത്രം വൈറലായതോടെ ഇതിലൂടെ തെറ്റായ സന്ദേശം പ്രചരിപ്പിച്ചുവെന്നാരോപിച്ച്, ഭാരതീയ നാഗരിക സുരക്ഷാ സംഹിത (BNSS) സെക്ഷൻ 179 പ്രകാരമാണ് ഗച്ചിബൗളി പോലീസ് സ്‌റ്റേഷനിൽ നിന്ന് നോട്ടീസ് അയച്ചത്.സ്റ്റേഷൻ ഹൗസ് ഓഫീസർ എംഡി ഹബീബുള്ള ഖാൻ ആണ് വിവരം മാധ്യമങ്ങളോട് സ്ഥിരീകരിച്ചത്.ഈ കേസിലെ വസ്തുതകൾ പരിഗണിച്ച് കൂടുതൽ നിയമ നടപടികൾ ഉണ്ടാകാനാണ് സാധ്യത.

 Telangana IAS officer and Principal Secretary for Tourism, Smita Sabharwal, received a police notice after sharing an AI-generated photo on social media. The image depicted bulldozers clearing land near the Mushroom Rocks inside Hyderabad University campus, with a deer and a peacock standing in front—intended to depict destruction of 400 acres in Gachibowli.The image, which went viral, was found to be AI-generated. A notice was issued under Section 179 of the Bharatiya Nagarik Suraksha Sanhita (BNSS) by the Gachibowli police, citing potential misinformation.