ശ്രീനഗര്‍: ജമ്മു കശ്മീരിലെ റമ്പാന്‍ ജില്ലയില്‍ മേഘവിസ്‌ഫോടനത്തിലുണ്ടായ മിന്നല്‍ പ്രളയത്തില്‍ മൂന്ന് പേര്‍ മരിച്ചു. പത്തോളം വീടുകള്‍ പൂര്‍ണ്ണമായും തകരുകയും, ഒരാളെ കാണാതായതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. മിന്നല്‍ പ്രളയവും, മണ്ണിടിച്ചിലുമുണ്ടായ പ്രദേശങ്ങളില്‍ നാശനഷ്ടങ്ങള്‍ റിപ്പോര്‍ട്ട് ചെയ്തിട്ടുണ്ട്. 

റമ്പാന്‍ ജില്ലയിലെ ചിനാബ് നദിക്ക് സമീപം ധരംകുണ്ട് ഗ്രാമത്തിലാണ് ശനിയാഴ്ച്ച അര്‍ധരാത്രിയോടെ മിന്നല്‍ പ്രളയമുണ്ടായത്. രാത്രി പുലരുവോളം കനത്ത മഴയും, മണ്ണിടിച്ചിലും, ആലിപ്പഴ വീഴ്ച്ചയുമുണ്ടായി. അപകടത്തില്‍ നൂറോളം പേരെ രക്ഷപ്പെടുത്തിയതായി ധരംകുണ്ട് പൊലിസ് അറിയിച്ചു. ഇവരെ ക്യാമ്പുകളിലേക്ക് മാറ്റിയിട്ടുണ്ട്. 

#WATCH | J&K | Several buildings and vehicles are damaged due to a landslide following heavy rains and hailstorm in Ramban district pic.twitter.com/3uFD5GLvRg

— ANI (@ANI) April 20, 2025

കനത്ത മണ്ണിടിച്ചിലിനെ തുടര്‍ന്ന് ദേശീയ പാതയില്‍ ഗതാഗതം തടസ്സപ്പെട്ടിരുന്നു. ഇതോടെ നിരവധി വാഹനങ്ങള്‍ കുടുങ്ങി കിടക്കുകയാണ്. റംബാന്‍ ദേശീയ പാതയും, ജമ്മു-ശ്രീനഗര്‍ ദേശീയ പാതയും മണ്ണിടിച്ചിലിനെ തുടര്‍ന്ന് അടച്ചിട്ടിരിക്കുകയാണ്. 

heavy rain and flood reported in jammu and kashmir 3 civilians lost life