മലപ്പുറം: പൊന്നാനിയിൽ നിന്ന് കഴിഞ്ഞ ഞായറാഴ്ച്ച കാണാതായ മൂന്ന് പത്താം ക്ലാസ് വിദ്യാർത്ഥികളെയും പോലീസ് കണ്ടെത്തി. കർണാടകയിലെ കാർവാറിലാണ് കുട്ടികളെ കണ്ടെത്തിയത്. കുട്ടികളെ തിരികെ നാട്ടിലേക്ക് കൊണ്ടുവരാനുള്ള നടപടികൾ ഇപ്പൊഴും പുരോഗമിക്കുകയാണ്.

പൊന്നാനിയിലെയും പരിസരപ്രദേശങ്ങളിലുമുള്ള മൂന്ന് വിവിധ സ്കൂളുകളിൽ പഠിക്കുന്ന കുട്ടികളെയാണ് കാണാതായത്. സംഭവത്തിൽ പൊലീസ് അന്വേഷണം തുടങ്ങിയതോടെയാണ് കർണാടകത്തിലെ കാർവാറിൽ നിന്ന് കുട്ടികളെ കണ്ടെത്താനായത്.

കുട്ടികൾ ബെംഗളൂരുവിലേക്ക് പോകാനാണ് പദ്ധതിയിട്ടിരുന്നതെന്ന് പ്രാഥമിക വിവരം. “ബെംഗളൂരുവിലേക്ക് പോയി അടിച്ച് പൊളിക്കണം” എന്നുണ്ടായിരുന്നുവെന്നാണ് കുട്ടികളിൽ ഒരാൾ ബന്ധുവിനോട് പറഞ്ഞതെന്നും വീട്ടുകാർ പൊലീസിനോട് പറഞ്ഞിരുന്നു. ഇതിന്റെ അടിസ്ഥാനത്തിൽ ബെംഗളൂരുവിൽ കേന്ദ്രീകരിച്ച് അന്വേഷണം നടത്തുകയും തുടർന്ന് കാർവാറിലേക്ക് അന്വേഷണം വ്യാപിപ്പിക്കുകയും ചെയ്തു.

കുട്ടികളെ നാട്ടിലേക്ക് കൊണ്ടുവരാനുള്ള നടപടി മലപ്പുറം പോലീസ് സംഘത്തിന്റെ നേതൃത്വത്തിൽ നടന്നുവരുകയാണ്. കുട്ടികളെ സുരക്ഷിതമായി വീട്ടിലേക്ക് എത്തിക്കുന്നതിന് ബന്ധപ്പെണ്ട എല്ലാ നിയമ നടപടികളും സ്വീകരിക്കുകയാണ്.

Three schoolboys who went missing from Ponnani, Malappuram, have been found in Karwar, Karnataka. The children, all Class 10 students from different schools, had been missing since Sunday. Police traced them following a tip-off suggesting they might travel to Bengaluru. Steps are being taken to bring them back home safely.