പൊതുഗതാഗത സൗകര്യങ്ങള്‍ വിപുലീകരിക്കുന്നതിനായി ഒരു പുതിയ ബസ് റൂട്ട് ആരംഭിച്ച് റാസ് അല്‍ ഖൈമ. 'ഓറഞ്ച് റൂട്ട്' എന്ന് പേരുള്ള ഈ പുതിയ സര്‍വിസ് എമിറേറ്റിലെ പ്രധാന സ്ഥലങ്ങളെ ബന്ധിപ്പിക്കുന്നു. റാസ് അല്‍ ഖൈമ ഗതാഗത അതോറിറ്റി (RAKTA) 2025 ഏപ്രില്‍ 21ന് ഈ സംവിധാനം പ്രഖ്യാപിച്ചു.

هيئة رأس الخيمة للمواصلات تطلق المسار البرتقالي ضمن مشروع النقل العام الداخلي
انطلاقاً من الخطة الشاملة للنقل 2030 لإمارة رأس الخيمة، وضمن خططها التوسعية في خدمات النقل العام بالحافلات التي تهدف إلى تغطية وربط كافة المناطق الحضرية بمركز المدينة في إمارة رأس الخيمة، فقد أطلقت… pic.twitter.com/OeRmp51Rcd

— RAK Transport Authority (@RakTransport) April 21, 2025

റൂട്ട് വിശദാംശങ്ങള്‍:

13 കിലോമീറ്റര്‍ ദൈര്‍ഘ്യമുള്ള ഈ സര്‍വിസ് അല്‍ നഖീല്‍ മേഖലയെ സൗത്ത് അല്‍ ധൈത് പ്രധാന ബസ് സ്റ്റേഷനുമായി ബന്ധിപ്പിക്കുന്നു. 25-മുതല്‍ 30 മിനിറ്റ് വരെയാണ് ഈ റൂട്ടിലെ യാത്രാസമയം. അല്‍ നഖീല്‍ ജുല്‍ഫാര്‍ ടവേഴ്‌സ്, അല്‍ സദാഫ് റൗണ്ട് എബൗട്ട്, ഡ്രൈവിംഗ് സ്‌കൂള്‍, പോസ്റ്റ് ഓഫിസ്, ക്ലോക്ക് റൗണ്ട് എബൗട്ട്, ഫ്‌ലമിംഗോ ബീച്ച്, സൗത്ത് അല്‍ ധൈത് ബസ് സ്റ്റേഷന്‍ തുടങ്ങിയവയാണ് ഈ റൂട്ടിലെ പ്രധാന സ്റ്റേഷനുകള്‍.

രാവിലെ 6:30 ന് ആരംഭിക്കുന്ന സര്‍വിസ് രാത്രി 8:30 വരെ പ്രതിദിനം 20ഓളം ട്രിപ്പുകള്‍ നടത്തും. 8 ദിര്‍ഹമാണ് ടിക്കറ്റ് നിരക്ക്.

റാസ് അല്‍ ഖൈമ ട്രാന്‍സ്‌പോര്‍ട്ട് മാസ്റ്റര്‍ പ്ലാന്‍ 2030ന്റെ ലക്ഷ്യങ്ങള്‍ നിറവേറ്റുന്നതിനായാണ് ഈ പുതിയ സേവനം ആരംഭിച്ചിരിക്കുന്നത്. ഇത് എമിറേറ്റിലെ ഗതാഗത സംവിധാനങ്ങളെ കൂടുതല്‍ സുഗമമാക്കുമെന്ന് പ്രതീക്ഷിക്കുന്നു.

Ras Al Khaimah has introduced a new bus service connecting Al Nakheel to South Al Dhait, enhancing public transportation options for residents and commuters. This development aims to improve mobility and convenience within the emirate, promoting easier access to various areas