ജമ്മുകശ്മീര്‍: പഹല്‍ഗാം ഭീകരാക്രമണത്തിന് പിന്നാലെ വര്‍ദ്ധിപ്പിച്ച വിമാന ടിക്കറ്റ് നിരക്ക് വര്‍ധന ഒഴിവാക്കാന്‍ കമ്പനികള്‍ക്ക് കര്‍ശന നിര്‍ദ്ദേശം. ശ്രീനഗറില്‍ നിന്നുള്ള യാത്രക്ക് വരുത്തിയ നിരക്ക് വര്‍ധന ഒഴിവാക്കാന്‍ വ്യോമയാന മന്ത്രാലയമാണ് നിര്‍ദേശം നല്‍കിയത്. ഡല്‍ഹിയിലേക്ക് മൂന്ന് അധിക വിമാന സര്‍വീസുകള്‍ കൂടി ഏര്‍പ്പെടുത്തിയിട്ടുണ്ട്. വിമാനത്താവളത്തില്‍ യാത്രക്കാര്‍ക്ക് വേണ്ടിയുള്ള സജ്ജീകരണങ്ങള്‍ ഒരുക്കിയിട്ടുണ്ടെന്നും ഇക്കാര്യങ്ങള്‍ നേരിട്ട് നിരീക്ഷിക്കുന്നതായും കേന്ദ്ര വ്യോമയാന മന്ത്രി റാം മോഹന്‍ നായിഡു അറിയിച്ചു. ആറു മണിക്കൂറിനുള്ളില്‍ 3,337 യാത്രക്കാര്‍ ശ്രീനഗര്‍ വിട്ടതായാണ് റിപ്പോര്‍ട്ട്. 

ഭീകരാക്രമണത്തിന് പിന്നാലെ എയര്‍ ഇന്ത്യയുടെ ശ്രീനഗര്‍- ഡല്‍ഹി ടിക്കറ്റിന് 36,000 രൂപയായിരുന്നു. ഇന്‍ഡിഗോ വിമാനത്തില്‍ ടിക്കറ്റുകള്‍ കിട്ടാതെയുമായി. എല്ലാ സര്‍വീസുകളുടെയും ടിക്കറ്റുകള്‍ വിറ്റുപോയി. ശ്രീനഗറില്‍ നിന്നുള്ള വിമാനസര്‍വീസുകള്‍ വര്‍ധിപ്പിക്കുവാന്‍ കമ്പനികള്‍ക്ക് ഡിജിസിഎ നിര്‍ദേശം നല്‍കുകയായിരുന്നു.

ചൊവ്വാഴ്ച ഉച്ചയോടെയാണ് ജമ്മു കശ്മീരിലെ പഹല്‍ഗാമില്‍ വിനോദസഞ്ചാരികള്‍ക്ക് നേരെ ഭീകരര്‍ ആക്രമണം നടത്തിയത്. പഹല്‍ഗാം ഹില്‍ സ്റ്റേഷനില്‍ നിന്ന് അഞ്ചു കിലോമീറ്റര്‍ അകലെ ബൈസാരന്‍ പുല്‍മേടില്‍ ഭീകരര്‍ വെടിവെപ്പ് നടത്തുകയായിരുന്നു. സൈനിക വേഷത്തിലെത്തിയ ആയുധധാരികളായ ഭീകരര്‍ കുതിരസവാരി നടത്തുകയായിരുന്ന സഞ്ചാരികള്‍ക്ക് നേരെയാണ് വെടിയുതിര്‍ത്തത്.

ആക്രമണത്തില്‍ കൊല്ലപ്പെട്ടവരുടെ എണ്ണം 29 ആയെന്നാണ് റിപ്പോര്‍ട്ട്. 20 പേര്‍ക്ക് ഗുരുതരമായി പരിക്കേറ്റിട്ടുണ്ട്.അതേസമയം, ലഷ്‌കറെ ത്വയ്യിബ തൊയ്ബയുടെ അനുബന്ധ സംഘടനയായ 'ദി റെസിസ്റ്റന്‍സ് ഫ്രണ്ട്' ആക്രമണത്തിന്റെ ഉത്തരവാദിത്തം ഏറ്റെടുത്തതായി റിപ്പോര്‍ട്ടുകളുണ്ട്.

In the wake of the tragic terror attack, we are constantly making efforts to ensure safe travel of tourists from Srinagar. Strict instructions were given to Airline companies to avoid any fare surges, Fares are being monitored and kept at reasonable levels.

In addition to the… pic.twitter.com/jpxhvDDZl6

— Ram Mohan Naidu Kinjarapu (@RamMNK) April 23, 2025

ollowing the Pahalgam terror attack, India directs airlines to avoid ticket price hikes from Srinagar. DGCA orders more flights; Air India ticket soared to ₹36,000. Over 3,300 passengers evacuated in 6 hours.