കണ്ണൂര്‍: ചോദ്യപേപ്പര്‍ എത്താത്തതിനെ തുടര്‍ന്ന് കണ്ണൂര്‍ സര്‍വകലാശാലയില്‍ ഏഴു വിഷയങ്ങളിലെ പരീക്ഷകള്‍ മാറ്റിവച്ചു. മള്‍ട്ടി ഡിസിപ്ലിന്‍ കോഴ്‌സുകളിലെ ഇന്നു നടക്കേണ്ട ഏഴു വിഷയങ്ങളിലെ പരീക്ഷകളാണ് മാറ്റിയത്. സാങ്കേതിക ബുദ്ധിമുട്ടുകള്‍ കാരണമാണ് ചോദ്യപേപ്പറുകള്‍ എത്താതിരുന്നത് എന്നാണ് സര്‍വകലാശാലയുടെ വിശദീകരണം. മാറ്റിയ പരീക്ഷകള്‍ മെയ് അഞ്ചിന് നടക്കുമെന്നും അധികൃതര്‍ പറഞ്ഞു.