ഡല്‍ഹി: ഡല്‍ഹി - മുംബൈ ദേശീയപാതയില്‍ ശുചീകരണ തൊഴിലാളികള്‍ക്കിടയിലേക്ക് പിക്കപ്പ് വാന്‍ പാഞ്ഞുകയറി ആറ് പേര്‍ക്ക് ദാരുണാന്ത്യം. അഞ്ച് പേര്‍ക്ക് ഗുരുതരമായ പരുക്കേറ്റു. ഹരിയാനയിലെ നൂഹ് ജില്ലയിലെ ഇബ്രാഹിം ബാസ് ഗ്രാമത്തില്‍ ശനിയാഴ്ച രാവിലെ 10 മണിയോടെയായിരുന്നു അപകടമുണ്ടായത്. അപകടത്തില്‍ മരിച്ച ആറ് പേരും സ്ത്രീകളാണ്.

രാവിലെ ദേശീയപാതയില്‍ ശുചീകരണ ജോലികള്‍ ചെയ്യുകയായിരുന്ന തൊഴിലാളികള്‍ക്കിടയിലേക്ക് വാഹനം പാഞ്ഞുകയറുകയായിരുന്നു. അപകട ശേഷം ഡ്രൈവര്‍ വാഹനം ഉപേക്ഷിച്ച് രക്ഷപ്പെട്ടു. മൃതദേഹങ്ങളുടെ അവശിഷ്ടങ്ങള്‍ റോഡില്‍ ചിതറിക്കിടന്ന നിലയിലാണ് കണ്ടെത്തിയത്. പരുക്കേറ്റ ആറു പേരില്‍ അഞ്ച് സ്ത്രീകളും ഒരു പുരുഷനുമാണുള്ളത്, ഇവരെ മാണ്ഡി ഖേര ആശുപത്രിയില്‍ പ്രവേശിപ്പിച്ചു.

 സിസിടിവി ദൃശ്യങ്ങള്‍ പരിശോധിച്ചു കൊണ്ടിരിക്കുകയണെന്നും അപകടത്തിന് കാരണമായ സാഹചര്യങ്ങള്‍ അന്വേഷിക്കുന്നുണ്ടെന്നും ഫിറോസ്പൂര്‍ ജിര്‍ക പൊലിസ് സ്റ്റേഷന്‍ ഹൗസ് ഓഫീസര്‍ അമന്‍ സിങ് വ്യക്തമാക്കി. പ്രാഥമിക അന്വേഷണത്തില്‍ അല്‍വാറില്‍ നിന്ന് ഡല്‍ഹിയിലേക്ക് പോകയായിരുന്ന പിക്കപ്പ് ട്രക്ക് അമിത വേഗതയിലായിരുന്നതായി കണ്ടെത്തി. ഡ്രൈവര്‍ക്ക് വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമെന്ന് അധികൃതര്‍ അറിയിച്ചു.

In a tragic accident on the Delhi-Mumbai National Highway, six women sanitation workers were killed and five others injured after a speeding pickup van crashed into them in Haryana’s Nuh district. Authorities are investigating the incident, with overspeeding suspected as the primary cause. The injured have been hospitalized as police examine CCTV footage to determine the exact circumstances.