കോഴിക്കോട്: കോഴിക്കോടിന് സമീപം മായനാട് യുവാവിനെ ഒരു സംഘം മര്‍ദിച്ചു കൊലപ്പെടുത്തി. അമ്പലക്കണ്ട് സ്വദേശി ബോബിയുടെ മകന്‍ 20 കാരനായ സൂരജാണ് കൊല്ലപ്പെട്ടത്. 

പ്രതികള്‍ ചേവായൂര്‍ പൊലിസിന്റെ പിടിയിലെന്നാണ് സൂചന. സമീപവാസികളായ പിതാവും രണ്ടുമക്കളുമാണ് പിടിയിലായിരിക്കുന്നതെന്നും റിപ്പോര്‍ട്ടുകള്‍ പറയുന്നു. മക്കള്‍ സൂരജിന്റെ സഹപാഠികളാണെന്നാണ് വിവരം 

ഇന്നലെ രാത്രി ആയിരുന്നു സംഭവം. സൂരജും സഹപാഠികളും തമ്മില്‍ വാക്കേറ്റമുണ്ടായെന്നും സംഘര്‍ഷത്തില്‍ കലാശിച്ചെന്നുമാണ് റിപ്പോര്‍ട്ട്. സംഘം ചേര്‍ന്ന് ഇവര്‍ സൂരജിനെ അക്രമിക്കുകയായിരുന്നുവെന്നും റിപ്പോര്‍ട്ടുകള്‍ പറയുന്നു. പുറത്തുനിന്നുള്ള ആളുകളും അക്രമിക്കാമനെത്തിയെന്ന് സൂരജിന്റെ സുഹൃത്തുക്കള്‍ പറയുന്നു.  ഗുരുതരമായി പരിക്കേറ്റ സൂരജിനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചിരുന്നു. എന്നാല്‍ രക്ഷിക്കാനായില്ല.