സ്‌പെയ്ൻ: റയൽ മാഡ്രിഡിനെ രണ്ടിനെതിരെ മൂന്നു ഗോളുകൾക്ക് തകർത്തുകൊണ്ട് ബാഴ്സലോണ കോപ്പ ഡെൽറേ ചാമ്പ്യന്മാരായിരുന്നു. ബാഴ്സലോണയുടെ ചരിത്രത്തിലെ 32ാം കോപ്പ ഡെൽറേ കിരീടമായിരുന്നു ഇത്. ഈ സീസണിൽ ഇത് മൂന്നാം തവണയാണ് റയലിനെ ബാഴ്സലോണ പരാജയപ്പെടുത്തുന്നത്. 

കോപ്പ ഡെൽറേ കിരീടനേട്ടത്തിനൊപ്പം പരിശീലകനെന്ന നിലയിൽ ഹാൻസി ഫ്ലിക്കും ഒരു തകർക്കാൻ റെക്കോർഡ് കൈവരിച്ചിരിക്കുകയാണ്. ബാഴ്സലോണയുടെ പരിശീലകനായി ചുമതലയേറ്റ ശേഷം റയൽ മാഡ്രിഡിനെ തുടർച്ചയായ മൂന്ന് മത്സരങ്ങളിൽ പരാജയപ്പെടുത്തുന്ന രണ്ടാമത്തെ കോച്ചാണ് ഹാൻസി ഫ്ലിക്ക്. ഇതിനു മുമ്പ് ഈ റെക്കോർഡ് സ്വന്തമാക്കിയത് പെപ് ഗ്വാർഡിയോളായാണ്. 

മത്സരത്തിൽ റയലിനായി കിലിയൻ എംബാപ്പെ, ഔറേലിയൻ ചൗമേനി എന്നിവരാണ് ഗോളുകൾ നേടിയത്. ബാഴ്സലോണക്ക് വേണ്ടി പെഡ്രി, ഫെറാൻ ടോറസ്, ജൂൾസ് കോണ്ടേ എന്നിവരും ലക്ഷ്യം കണ്ടു. മത്സരത്തിന്റെ നിശ്ചിത സമയത്തിനുള്ളിൽ ഇരു ടീമുകളും രണ്ടു ഗോളുകൾ വീതം നേടി കൊണ്ട് തുല്യത പാലിക്കുകയായിരുന്നു.

ഒടുവിൽ മത്സരം എക്സ്ട്രാ ടൈമിലേക്ക് നീങ്ങുകയായിരുന്നു. എക്സ്ട്രാ ടൈമിന്റെ രണ്ടാം പകുതിയിൽ കോണ്ടേയാണ് ബാഴ്സലോണയുടെ വിജയ് ഗോൾ നേടിയത്. മത്സരത്തിന്റെ അവസാന നിമിഷങ്ങളിൽ നടന്ന നാടകീയമായ സംഭവങ്ങൾക്ക് പിന്നാലെ റയലിന്റെ അന്റോണിയോ റൂഡീഗർ, ലൂക്കാസ് വാസ്ക്വസ്, ജൂഡ് വെല്ലിങ്ഹാം എന്നിവർ റെഡ് കാർഡ് കണ്ട് മടങ്ങുകയും ചെയ്തിരുന്നു. 

നിലവിൽ ലാ ലിഗയിലും ബാഴ്സലോണ തന്നെയാണ് ഒന്നാം സ്ഥാനത്തുള്ളത്. 33 മത്സരങ്ങളിൽ നിന്നും 24 വിജയവും നാല് സമനിലയും അഞ്ചു ത്തോൽവിയും അടക്കം 76 പോയിന്റുമായാണ് ഹാൻസി ഫ്ലിക്കും സംഘവും ഒന്നാം സ്ഥാനത്ത് തുടരുന്നത്. ഇത്രതന്നെ മത്സരങ്ങളിൽ നിന്നും 22 വിജയവും ആറു സമനിലയും അഞ്ച് തോൽവിയും അടക്കം 72 പോയിന്റുമായി റയൽ മാഡ്രിഡ് രണ്ടാം സ്ഥാനത്തുമാണ് ഉള്ളത്. 

Hansi Flick Craete a Historical Record After Beat Real Madrid in Copa Delray Final