ദുബൈ: യുഎഇയില്‍ ഉടനീളം ഇന്ന് നേരിയ ചൂടും ഈര്‍പ്പവും നിറഞ്ഞതായിരിക്കുമെന്ന് നാഷണല്‍ സെന്റര്‍ ഓഫ് മെറ്റീരിയോളജി അറിയിച്ചു. യുഎഇയില്‍ ഇന്ന് കനത്ത ചൂട് അനുഭവപ്പെട്ടേക്കാം. താപനില 50 ഡിഗ്രി സെല്‍ഷ്യസിനടുത്ത് എത്താനും സാധ്യതയുണ്ട്.

നാഷണല്‍ സെന്റര്‍ ഓഫ് മെറ്റീരിയോളജിയുടെ കണക്കുകൂട്ടല്‍ അനുസരിച്ച് കിഴക്കന്‍ പ്രദേശം ഒഴികെ യുഎഇയിലെ മിക്ക പ്രദേശത്തും കനത്ത ചൂട് അനുഭവെപ്പെടാന്‍ സാധ്യതയുണ്ട്.

ഇന്നലെ ഉച്ചയ്ക്ക് 1:30ന് ഫുജൈറയിലെ തവിയേനില്‍ രേഖപ്പെടുത്തിയ ഏറ്റവും ഉയര്‍ന്ന താപനില 46.6°C ആയിരുന്നു. രാജ്യത്തുടനീളം കൊടും ചൂട് വ്യാപിച്ചിട്ടുണ്ട്. ഇന്നലെ വിവിധ പ്രദേശങ്ങളില്‍ 40°C മുതല്‍ 45°C വരെ ഉയര്‍ന്ന താപനില റിപ്പോര്‍ട്ട് ചെയ്തിട്ടുണ്ട്.

 

 

 

 

 

View this post on Instagram

 

 

 

 

 

 

 

 

 

 

 

A post shared by المركز الوطني للأرصاد (@officialuaeweather)

കുതിച്ചുയരുന്ന താപനിലയ്ക്ക് പുറമേ, ശക്തമായ പൊടിക്കാറ്റും താമസക്കാര്‍ക്കും യുഎഇ പൗരന്മാര്‍ക്കും വെല്ലുവിളി ഉയര്‍ത്തുന്നുണ്ട്. പൊടിക്കാറ്റ് മണിക്കൂറില്‍ 15-25 കിലോമീറ്റര്‍ വേഗത്തിലാണ് വീശുന്നതെങ്കിലും ചിലപ്പോള്‍ ഇത് മണിക്കൂറില്‍ 45 കിലോമീറ്റര്‍ വരെ വേഗത കൈവരിക്കുന്നുണ്ട്. ഇത് ദൃശ്യപരതയെ കുറയ്ക്കുന്നു.

അപ്രതീക്ഷിതമായി പൊടിക്കാറ്റ് ഉണ്ടാകാനും റോഡുകളിലെ വ്യക്തമായ കാഴ്ചയ്ക്ക് തടസ്സം ഉണ്ടാകാനും സാധ്യതയുള്ളതിനാല്‍ വാഹനമോടിക്കുമ്പോള്‍ ജാഗ്രത പാലിക്കാന്‍ നാഷണല്‍ സെന്റര്‍ ഓഫ് മെറ്റീരിയോളജി നിര്‍ദ്ദേശിച്ചു.

അലര്‍ജിക്ക് സാധ്യതയുള്ള വ്യക്തികള്‍ പുറത്തിറങ്ങുമ്പോള്‍ ആവശ്യമായ മുന്‍കരുതലുകള്‍ എടുക്കണം. കൂടാതെ, ഈര്‍പ്പത്തിന്റെ അളവ് പരമാവധി 70% വരെ എത്തുമെന്നാണ് പ്രവചിക്കപ്പെടുന്നത്. 

അറേബ്യന്‍ ഗള്‍ഫില്‍ ചില സമയങ്ങളില്‍ നേരിയതോ മിതമായതോ ആയ തിരമാലകള്‍ ഉണ്ടാകുമെന്ന് പ്രതീക്ഷിക്കുന്നതിനാല്‍ കടലിന്റെ അവസ്ഥയും ശ്രദ്ധേയമാണ്. അതേസമയം ഒമാന്‍ കടല്‍ താരതമ്യേന ശാന്തമായിരിക്കും.

The ongoing heatwave in the UAE is expected to push temperatures up to a scorching 50°C, causing extreme heat conditions across the region. Residents and visitors are advised to take precautions against the intense heat.