കാസർഗോഡ്: മഞ്ചേശ്വരത്ത് യുവാവിന് വെടിയേറ്റു. മഞ്ചേശ്വരം സ്വദേശിയായ സവാദിനാണ് വെടിയേറ്റത്. അടുത്തുള്ള കാടുമുടി കിടക്കുന്ന സ്ഥലത്ത് പതിവില്ലാതെ വെളിച്ചം കണ്ടതിനു പിന്നാലെ നടത്തിയ തിരച്ചിലിന്റെ സമയത്തായിരുന്നു സവാദിന് വെടിയേറ്റത്. കാടിനുള്ളിൽ സവാദിനൊപ്പം തിരച്ചിലിൽ സുഹൃത്തുക്കളും ഉണ്ടായിരുന്നു. 

സംഭവത്തിൽ പരിക്കേറ്റ സവാദ് നിലവിൽ മംഗളുരുവിലെ സ്വകാര്യ ആശുപത്രിയിൽ ചികിത്സയിലാണ് ഉള്ളത്. സംഭവം നടത്തിയ പ്രതികൾക്കായുള്ള തിരച്ചിൽ പോലീസ് ഊർജിതമാക്കിയിട്ടുണ്ട്. സംഭവം നടന്ന മഞ്ചേശ്വരത്തിന് മൂന്ന് കിലോമീറ്റർ അപ്പുറം കർണാടക അതിർത്തിയാണ് അതുകൊണ്ടുതന്നെ പ്രതികൾ അങ്ങോട്ട് കടന്നിരിക്കാം എന്ന സൂചനകളും നിലനിൽക്കുന്നുണ്ട്.

A young man was shot while searching for a light in the forest in Manjeswaram