കൊച്ചി: ഫ്‌ലാറ്റില്‍ നിന്ന് കഞ്ചാവ് പിടികൂടിയ കേസില്‍ പ്രശസ്ത റാപ്പര്‍ വേടന് സ്റ്റേഷന്‍ ജാമ്യം. വേടനെയും കൂടെയുണ്ടായിരുന്ന എട്ട് സുഹൃത്തുക്കളെയും പൊലിസ് ജാമ്യത്തില്‍ വിട്ടു. അതേസമയം, വേടന്‍ ധരിച്ചിരുന്ന മാലയിലെ ലോക്കറ്റ് പുലിപ്പല്ലാണെന്ന് തെളിയിക്കപ്പെട്ടതോടെ വനം വകുപ്പ് അദ്ദേഹത്തെ കസ്റ്റഡിയിലെടുത്തു. കേസില്‍ കോടനാട്ടേക്ക് കൊണ്ടുപോയ വേടനെ നാളെ പെരുമ്പാവൂര്‍ കോടതിയില്‍ ഹാജരാക്കും.

തൃപ്പൂണിത്തുറ ഹിൽപാലസ് പൊലീസിന്റെ രാവിലത്തെ പരിശോധനയിലാണ് വേടന്റെ ഫ്ലാറ്റിൽ നിന്ന് 6 ഗ്രാം കഞ്ചാവ് കണ്ടെടുത്തത്. 9.5 ലക്ഷം രൂപയും മൊബൈൽ ഫോണുകളും പിടിച്ചെടുത്തിരുന്നു. കഞ്ചാവ് ഉപയോഗിക്കാറുണ്ടെന്ന് വേടൻ പൊലിസിനോട് സമ്മതിച്ചിരുന്നു. ഫ്ലാറ്റ് നേരത്തെ നിരീക്ഷണത്തിലായിരുന്നു.

Popular rapper Veatan and eight associates get station bail in Kochi cannabis seizure case, but now faces wildlife charges as his pendant was confirmed to be tiger tooth. Police found 6g cannabis and ₹9.5 lakh during flat raid. Forest department takes custody - next hearing at Perumbavoor court tomorrow. Latest updates on the dual legal battle.