ന്യൂഡല്‍ഹി: എസി നന്നാക്കാനെത്തിയ മുസ്‌ലിം ജോലിക്കാരെ പുറത്താക്കി ഡല്‍ഹിയിലെ ബിജെപി നേതാവ്. ജില്ല കോര്‍ഡിനേറ്ററായ ദേവമണി ശര്‍മയാണ് ജോലിക്കെത്തിയ ടെക്‌നീഷ്യന്‍മാരോട് മതം ചോദിച്ച് സേവനം നിരസിച്ചത്. സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്. മുസ് ലിം ടെക്‌നീഷ്യന്‍മാര്‍ക്ക് പകരം ഹിന്ദു ടെക്‌നീഷ്യനെ നിയമിക്കണമെന്നാണ് ബിജെപി നേതാവ് ആവശ്യപ്പെട്ടത്.

വീഡിയോ പുറത്ത് വന്നതിന് പിന്നാലെ കടുത്ത വിമര്‍ശനമാണ് ശര്‍മ്മക്കെതിരെ ഉയരുന്നത്. ഓണ്‍ലൈന്‍ പ്ലാറ്റഫോമായ അര്‍ബന്‍ക്ലാപ്പ് മുഖേനയാണ് ശര്‍മ ടെക്‌നീഷ്യന്‍മാരുടെ സേവനം ആവശ്യപ്പെട്ടത്. ജോലിക്കാര്‍ വീട്ടിലെത്തിയതോടെ ഇയാള്‍ അവരുടെ പേര് ചോദിക്കുകയും, വീഡിയോ പകര്‍ത്തുകയും ചെയ്തു. 

' നിങ്ങളില്‍ നിന്ന് ഞാന്‍ സേവനം ആഗ്രഹിക്കുന്നില്ല, ഹിന്ദുവായ ഒരാളെ അയക്കുക,' ശര്‍മ്മ പറയുന്നത് വീഡിയോയിലുണ്ട്. മതത്തിന്റെ അടിസ്ഥാനത്തിലുള്ള വിവേചനം അംഗീകരിക്കാനാവില്ലെന്നാണ് സമൂഹമാധ്യമങ്ങളില്‍ ഉയരുന്ന വിമര്‍ശനം. 

അതേസമയം മതത്തെ അടിസ്ഥാനമാക്കി ഒരു തരത്തിലുള്ള വിവേചനത്തെയും പിന്തുണക്കില്ലെന്ന് അര്‍ബന്‍ക്ലാപ് പ്രസ്താവനയില്‍ പറഞ്ഞു.

BJP leader, Devmani Sharma, who serves as a district coordinator, refused service from Muslim AC technicians after inquiring about their religion. He demanded that Hindu technicians be sent instead.